ദുബൈ: കഴിഞ്ഞ ദിവസമാണ് അമേരിക്കയിലെ ഏറ്റവും പേരുകേട്ട ജഡ്ജിമാരില്‍ ഒരാളും ലോകത്തിലെ ഏറ്റവും മികച്ച ന്യായാധിപന്മാരില്‍ ഒരാളെന്ന് വിശേഷിപ്പിക്കപ്പെടുകയും ചെയ്തിരുന്ന ഫ്രാങ്ക് കാപ്രിയോ ജീവിതത്തില്‍ നിന്ന് വിടവാങ്ങിയത്. പാന്‍ക്രിയാറ്റിക് ക്യാന്‍സര്‍ ബാധിച്ച് ദീര്‍ഘകാലം ചികിത്സയിലായിരുന്ന ഫ്രാങ്ക് 88-ാം വയസ്സിലാണ് അന്തരിച്ചത്.

ALSO READ: മയക്കുമരുന്നിന്റെ സ്വാധീനത്തിൽ വാഹനമോടിച്ചു; ജിസിസി പൗരന് രണ്ട് വർഷം തടവും 100,000 ദിർഹം പിഴയും ശിക്ഷ 

പ്രൊവിഡന്‍സ് മുനിസിപ്പല്‍ കോടതിയിലെ ജഡ്ജിയായ ഫ്രാങ്ക് 'കോര്‍ട്ട് ഇന്‍ പ്രൊവിഡന്‍സ്' എന്ന പരിപാടിയിലൂടെയാണ് ലോക ശ്രദ്ധയാകര്‍ഷിക്കുന്നത്. ക്യാന്‍സര്‍ ബാധിക്കുന്നതിന് മുമ്പ് 2022ലും 2023ലും അദ്ദേഹം യുഎഇ സന്ദര്‍ശിച്ചിരുന്നു. 

ദുബൈ സന്ദര്‍ശിച്ചതിന്റെ വീഡിയോ ഇന്‍സ്റ്റാഗ്രാമില്‍ പങ്കുവെച്ച ഫ്രാങ്ക് തനിക്ക് ഊഷ്മളമായ സ്വീകരണമാണ് ദുബൈയില്‍ ലഭിച്ചതെന്നും അന്ന് കുറിച്ചിരുന്നു. അദ്ദേഹം ഒരു പ്രചോദനമാണെന്നാണ് ഫ്രാങ്കിനെ ദുബൈ മാളില്‍ വെച്ച് കണ്ട താമസക്കാര്‍ അന്ന് പ്രതികരിച്ചത്. 

2023ല്‍ ദുബൈയില്‍ നടന്ന ഇന്റര്‍നാഷണല്‍ ഗവണ്‍മെന്റ് കമ്മ്യൂണിക്കേഷന്‍ ഫോറത്തിന്റെ പന്ത്രണ്ടാം എഡിഷനില്‍ ഫ്രാങ്കായിരുന്നു മുഖ്യ പ്രഭാഷകന്‍. 

'കരുണയുടെയും അനുകമ്പയുടെയും സന്ദേശവുമായാണ് എന്റെ വീട്ടില്‍ നിന്ന് പന്ത്രണ്ടായിരം കിലോമീറ്റര്‍ അകലെയുള്ള ഷാര്‍ജയിലെ ഈ മനോഹരമായ സാംസ്‌കാരിക കേന്ദ്രത്തില്‍ ഞാനിന്ന് ഉള്ളത്', 2023ലെ സമ്മേളനത്തില്‍ വെച്ച് അദ്ദേഹം പറഞ്ഞു.

ALSO READ: ലഹരിക്കെതിരായ പോരാട്ടം തുടരുന്നു; 377 കിലോഗ്രാം ക്രിസ്റ്റൽ മെത്ത് പിടികൂടി അബൂദബി പൊലിസ് 

'സംഘര്‍ഷങ്ങളും വിഭജനവും നിറഞ്ഞ ഈ ലോകത്ത് ആളുകള്‍ ദയയ്ക്കായി കൊതിക്കുന്നു, എന്റെ കോടതി മുറിയിലും ഷാര്‍ജയിലും ഞാന്‍ അത്തരം മനുഷ്യരെ കണ്ടെത്തി', ഷാര്‍ജ ഭരണാധികാരി അടക്കം സന്നിഹിതരായിരുന്ന വേദിയെ അഭിസംബോധന ചെയ്തുകൊണ്ട് ഫ്രാങ്ക് പറഞ്ഞു.

ഇന്‍സ്റ്റാഗ്രാം അടക്കമുള്ള സോഷ്യല്‍മീഡിയാ പ്ലാറ്റ്‌ഫോമുകളില്‍ അദ്ദേഹം സജീവമായിരുന്നു. നിരവധി റീലുകളും മറ്റും അദ്ദേഹം സമൂഹമാധ്യമങ്ങളില്‍ പങ്കുവെച്ചിരുന്നു. എല്ലാവരെയും ഉള്‍ക്കൊള്ളുന്ന യുഎഇയെയും ഭരണാധികാരികളെയും അദ്ദേഹം അന്ന് പ്രശംസിച്ചിരുന്നു. 

UAE residents recall the heartwarming visit of America’s beloved “kind judge” Frank Caprio to Dubai, praising his compassion and humility during his time in the city.