ഗസ്സയിലെ ഒരു ദശലക്ഷത്തിലധികം ആളുകൾക്ക് ശുദ്ധജലം എത്തിക്കുന്നതിനുള്ള യുഎഇയുടെ പദ്ധതി വെള്ളിയാഴ്ച ഉദ്ഘാടനം ചെയ്തു. ‌22 മാസത്തെ ഇസ്റാഈൽ സൈനിക ആക്രമണത്തിന് ശേഷം ഗസ്സയുടെ ചില ഭാഗങ്ങളിൽ ക്ഷാമം നിലനിൽക്കുന്നുണ്ടെന്ന് ഐക്യരാഷ്ട്രസഭ പ്രഖ്യാപിച്ചിരിക്കുന്നു. മാത്രമല്ല, ജലപ്രതിസന്ധിയും ഗുരുതരമായ പ്രശ്നമാണെന്ന് സഹായ ഗ്രൂപ്പുകൾ മുന്നറിയിപ്പ് നൽകിയിരുന്നു.

ഈജിപ്തിലെ എമിറാത്തി ജലശുദ്ധീകരണ പ്ലാന്റുകളിൽ നിന്ന് ​ഗസ്സയിലേക്ക് ശുദ്ധജലം എത്തിക്കുന്നതാണ് ഈ പദ്ധതി. യുദ്ധം പൊട്ടിപ്പുറപ്പെട്ടതിനുശേഷം ജലക്ഷാമം അനുഭവിക്കുന്ന ദശലക്ഷക്കണക്കിന് കുടുംബങ്ങൾക്ക് കുടിവെള്ളം എത്തിക്കുകയാണ് ഈ പദ്ധതി ലക്ഷ്യമിടുന്നത്.

ALSO READ: ഇന്റർപോൾ റെഡ് നോട്ടീസ്: ദുബൈ പൊലിസ് പിടികൂടിയ പ്രതിയെ നെതർലാൻഡ്‌സിന് കൈമാറും

ഇത്തരത്തിലുള്ള ഏറ്റവും വലിയ പൈപ്പ്‌ലൈൻ 7.5 കിലോമീറ്റർ ദൂരം വ്യാപിച്ചുകിടക്കുന്നു. ഇതിന് ഒരു ദിവസം ഏകദേശം 20 ലക്ഷം ഗാലൻ ജലം വിതരണം ചെയ്യാനുള്ള ശേഷിയുണ്ട്. ഖാൻ യൂനിസിലെ 5,000 ഘനമീറ്റർ ശേഷിയുള്ള അൽ-ബുറാഖ് ജലസംഭരണിയുമായി ഈ പൈപ്പ്‌ലൈൻ ബന്ധിപ്പിച്ചിട്ടുണ്ട്. ഇത് കൂടുതൽ പ്രദേശങ്ങളിലേക്ക് ശുദ്ധജലം എത്തിക്കുന്നതിന് സഹായിക്കുന്നു.

ആറ് ജലശുദ്ധീകരണ പ്ലാന്റുകൾ നിർമ്മിക്കുക, ജലസംഭരണികളും ടാങ്കറുകളും നൽകുക, കിണറുകൾ പരിപാലിക്കുക എന്നിവയെല്ലാം ഈ പദ്ധതിയിൽ ഉൾപ്പെടുന്നു.

ഉദ്ഘാടനത്തിന് ശേഷം, മാധ്യമപ്രവർത്തകർ, സിവിൽ സൊസൈറ്റി പ്രതിനിധികൾ, തുടങ്ങിയവർ പൈപ്പ്‌ലൈനും ജലസംഭരണികളും സന്ദർശിച്ചു. കൂടാതെ, ജലം പമ്പ് ചെയ്യുന്ന പ്രവർത്തനവും ​ഗസ്സയിലെ കുടിവെള്ള വിതരണ കേന്ദ്രങ്ങളും നേരിട്ട് നിരീക്ഷിച്ചു.

​ഗസ്സയിലെ ഓപ്പറേഷൻ ഷിവൽറസ് നൈറ്റ് 3 ആണ് ഈ ഉദ്ഘാടനം സംഘടിപ്പിച്ചത്. ഇതോടെ, ഈജിപ്തിൽ നിന്ന് തെക്കൻ ​ഗസ്സയിലേക്കുള്ള ശുദ്ധജല പൈപ്പ്‌ലൈനിലൂടെ ജലം പമ്പ് ചെയ്യുന്നത് ആരംഭിച്ചു. 

The UAE's "Lifeline" water supply project has been inaugurated in Gaza, aiming to provide clean drinking water to over 1 million people. The project involves a 7.5-kilometer pipeline from Emirati desalination plants in Egypt to southern Gaza, supplying 15 liters of fresh water per person daily. This initiative is part of the UAE's ongoing humanitarian efforts in Gaza, including establishing desalination plants, providing water tankers, and maintaining water networks.