കാൻപൂർ: ഉത്തർപ്രദേശിലെ കാൻപൂർ ഗ്രാമത്തിൽ ഗൂഗിൾ മാപ് സർവേ സംഘത്തിന് നാട്ടുകാരുടെ കൈയ്യേറ്റം. കാറിന് മുകളിൽ ക്യാമറ ഘടിപ്പിച്ച് രാത്രി സർവേ നടത്താനെത്തിയ സംഘത്തെ മോഷ്ടാക്കളെന്ന് തെറ്റിദ്ധരിച്ചാണ് ഗ്രാമവാസികൾ ആക്രമിച്ചത്. ഓഗസ്റ്റ് 28-ന് രാത്രിയാണ് സംഭവം.

അടുത്തിടെ പ്രദേശത്ത് മോഷണശല്യം രൂക്ഷമായിരുന്നു. തുടർന്ന് ജാഗ്രതയിലായിരുന്ന നാട്ടുകാർ, കാറിലെത്തിയവരെ മോഷ്ടാക്കളാണെന്ന് സംശയിക്കുകയായിരുന്നു. രാത്രികാല നിരീക്ഷണം ഏർപ്പെടുത്തിയിരുന്ന ഗ്രാമവാസികൾ, ക്യാമറയുമായി എത്തിയ സർവേ സംഘത്തെ കണ്ടതോടെ സംഘടിച്ച് വളഞ്ഞ് ആക്രമിക്കുകയായിരുന്നു. എന്നാൽ പൊലീസിനോ മറ്റ് അധികാരികൾക്കോ മുൻകൂർ അറിയിപ്പ് നൽകാതെയാണ് സർവേ നടത്താൻ സംഘമെത്തിയത് എന്ന് നാട്ടുകാർ ആരോപിച്ചതോടെ സ്ഥലത്ത് സംഘർഷാവസ്ഥ രൂക്ഷമാവുകയും ചെയ്തു.

ALSO READ: 32.85 കിലോമീറ്റർ മൈലേജും 6 എയർബാഗുകളും ഉണ്ടെന്ന് പറ‍ഞ്ഞിട്ടും എന്ത് കാര്യം; വിൽപ്പനയിൽ കൂപ്പുകുത്തി മാരുതിയുടെ ഫാമിലി കാർ

സംഭവത്തെ തുടർന്ന് പൊലിസ് സ്ഥലത്തെത്തി ഇരു വിഭാഗങ്ങളെയും സ്റ്റേഷനിലേക്ക് കൊണ്ടുപോയി. ഗൂഗിൾ മാപ് സംഘത്തിന്റെ ലീഡർ സന്ദീപ്, കേന്ദ്ര-സംസ്ഥാന സർക്കാരുകളുടെ അനുമതിയോടെയാണ് സർവേ നടത്തുന്നതെന്ന് പൊലിസിനെ ബോധ്യപ്പെടുത്തി. രേഖകൾ പരിശോധിച്ച ശേഷം പ്രശ്നം പരിഹരിച്ച പൊലിസ് ഇരു കൂട്ടരെയും വിട്ടയച്ചു.

ALSO READ: സമൂഹ മാധ്യമങ്ങളിൽ സൂപ്പർതാരം: ​ദുബൈയിൽ റോൾസ് റോയ്സും ഓടിച്ച് രാധാമണിയമ്മ

In Kanpur, Uttar Pradesh, a Google Map survey team was attacked by villagers on August 28 night, mistaken for thieves. The team, equipped with a car-mounted camera, was conducting a survey without prior notice to local authorities.