കൊച്ചി: വലിയ പ്രതീക്ഷയൊന്നും ഇല്ലെങ്കിലും രാവിലെ നേരിയ ഇടിവ് കാണിച്ച സ്വര്‍ണവില ഇതാ ഒറ്റക്കുതിപ്പില്‍ സര്‍വ്വകാല റെക്കോര്‍ഡിലെത്തിയിരിക്കുന്നു.  ഗ്രാമിന് 50 രൂപയും പവന് 400 രൂപയുമാണ് ഉച്ചക്ക് കൂടിയത്. രാവിലെ 10 രൂപ ഗ്രാമിനും 80 രൂപ പവനും കുറഞ്ഞിരുന്നു. ഇതാണ് ഇന്ന് ഉച്ചയോടെ തിരിച്ച് കയറി പുതിയ റെക്കോഡിട്ടിരിക്കുന്നത്. ഇതോടെ ഗ്രാമിന് 9,985 രൂപയും പവന് 79,880 രൂപയുമായി. 15 രൂപ കൂടി വര്‍ധിച്ചാല്‍ ഗ്രാമിന് 10,000 120 രൂപ കൂടി വര്‍ധിച്ചാല്‍ പവന് 80,000 രൂപയുമാകും.

അന്താരാഷ്ട്ര സ്വര്‍ണവില ട്രോയ് ഔണ്‍സിന് 3,612.9 ഡോളറിലും, രൂപയുടെ വിനിമയ നിരക്ക് 88.07 മാണ്. 
രണ്ട് മാസത്തിനിടെ 7,880 രൂപയാണ് പവന് കൂടിയത്. ഇക്കഴിഞ്ഞ ജൂലൈ ഒമ്പതിന് 72,000 രൂപയായിരുന്നു പവന്‍ വില. ജൂലൈയിലെ ഏറ്റവും കുറഞ്ഞ നിരക്കായിരുന്നു ഇത്. ആഗസ്റ്റില്‍ 73,200 രൂപയായിരുന്നു ഏറ്റവും കുറഞ്ഞ വില. 

Gold prices surged again after a slight dip in the morning, nearing an all-time high. Just ₹120 more to touch ₹80,000 per sovereign in Kerala. Market watches closely as prices soar.