ദുബൈ: റോഡിന്റെ ഹാർഡ് ഷോൾഡറിൽ അനാവശ്യമായി വാഹനം നിർത്തുന്നത് ഗുരുതരമായ അപകടങ്ങൾക്ക് വഴിയൊരുക്കുമെന്ന് ദുബൈ പൊലിസ്. ഈ വിഷയത്തിൽ പൊലിസ് ഡ്രൈവർമാർക്ക് മുന്നറിയിപ്പ് നൽകിയിട്ടുണ്ട്. അടിയന്തിര സാഹചര്യങ്ങളിലോ വാഹന തകരാറിലാകുന്ന സമയത്തോ മാത്രമേ ഹാർഡ് ഷോൾഡർ ഉപയോഗിക്കാവൂ എന്നും പൊലിസ് വ്യക്തമാക്കി. 

ഹാർഡ് ഷോൾഡറിൽ കാരണങ്ങളില്ലാതെ വാഹനം നിർത്തുന്നത് ഗുരുതരമായ ട്രാഫിക് ലംഘനമാണ്. ഇത് മാരകമായ അപകടങ്ങൾക്കും ഗതാഗത തടസ്സങ്ങൾക്കും കാരണമാകും, അധികൃതർ വ്യക്തമാക്കി.

ALSO READ: Israel Attack Qatar: ആക്രമണം ചര്‍ച്ചചെയ്യാന്‍ അടിയന്തര യോഗം വിളിച്ച് യു.എന്‍ രക്ഷാസമിതി; യു.എന്നിന് ശക്തമായ സന്ദേശം കൈമാറി ഖത്തര്‍

ഇന്ന് രാവിലെ ഷെയ്ഖ് സായിദ് റോഡിൽ, അറേബ്യൻ റാഞ്ചസ് പാലത്തിന് മുമ്പായി നടന്ന ​ഗുരുതരമായ അപകടത്തെ തുടർന്നാണ് ഈ മുന്നറിയിപ്പ് പുറപ്പെടുവിച്ചത്. ട്രക്കും മോട്ടോർസൈക്കിളും തമ്മിൽ കൂട്ടിയിടിക്കുകയായിരുന്നു. അപകടത്തിൽ മോട്ടോർസൈക്കിൾ യാത്രക്കാരൻ മരണപ്പെട്ടു. അനാവശ്യമായി ട്രക്ക് ഹാർഡ് ഷോൾഡറിൽ നിർത്തിയതും മോട്ടോർസൈക്കിൾ യാത്രക്കാരന്റെ അശ്രദ്ധയുമാണ് ഈ അപകടത്തിന് പ്രധാന കാരണം.

ഹാർഡ് ഷോൾഡറിൽ വാഹനം നിർത്തുന്നത് ​ഗുരുതരമായ ട്രാഫിക് ലംഘനങ്ങളിലൊന്നാണ്. ഇത് പലപ്പോഴും ഗുരുതരമായ അപകടങ്ങളിലേക്കും മരണങ്ങളിലേക്കും നയിക്കുന്നു. അടിയന്തിര സാഹചര്യങ്ങളിൽ മാത്രമാണ് ഹാർഡ് ഷോൾഡർ ഉപയോഗിക്കേണ്ടത്, മറ്റ് ആവശ്യങ്ങൾക്ക് ഇത് ഉപയോഗിക്കരുത് ട്രാഫിക് വകുപ്പിന്റെ ജനറൽ ഡയറക്ടർ ബ്രിഗേഡിയർ ജുമാ ബിൻ സുവൈദാൻ വ്യക്തമാക്കി. 

Accident on Sheikh Zayed Road, Dubai Police issued a warning