ജറുസലേം: ഖത്തറിനെതിരായ സയണിസ്റ്റ് ആക്രമണത്തിനിടയിലും അമേരിക്ക ഇസ്റാഈലിനൊപ്പം അചഞ്ചലമായി നിലകൊള്ളുമെന്ന് യുഎസ് സ്റ്റേറ്റ് സെക്രട്ടറി മാർക്കോ റൂബിയോ. തിങ്കളാഴ്ച ഇസ്റാഈൽ സന്ദർശന വേളയിൽ, ഹമാസിനെ ഇല്ലാതാക്കണം എന്ന് ആവശ്യപ്പെട്ട റൂബിയോ, ഗസ്സയിലെ ആക്രമണങ്ങളിൽ അമേരിക്കയുടെ ഉറച്ച നിലപാട് പ്രഖ്യാപിച്ചു.

“ഗസ്സയിലെ ജനങ്ങൾ മെച്ചപ്പെട്ട ഭാവി അർഹിക്കുന്നു, പക്ഷേ ഹമാസ് ഇല്ലാതാകാതെ അത് സാധ്യമല്ല,” ഇസ്റാഈൽ പ്രധാനമന്ത്രി ബെഞ്ചമിൻ നെതന്യാഹുവിനൊപ്പം മാധ്യമങ്ങളെ കണ്ടെ റൂബിയോ പറഞ്ഞു. 

ALSO READ: 'ഹമാസിനെ എന്തു വേണമെങ്കിലും ചെയ്‌തോളൂ എന്നാല്‍ ഖത്തറിനോടുള്ള സമീപനത്തില്‍ സൂക്ഷ്മത പാലിക്കുക അവര്‍ നമ്മുക്ക് വേണ്ടപ്പെട്ടവര്‍' നെതന്യാഹുവിന് ട്രംപിന്റെ താക്കീത്  

റൂബിയോയുടെ സന്ദർശനത്തെ ‘അമേരിക്കയുടെ വ്യക്തമായ പിന്തുണ’ എന്നാണ് നെതന്യാഹു വിശേഷിപ്പിച്ചു. പ്രസിഡന്റ് ഡൊണാൾഡ് ട്രംപിനെ ‘ഇസ്റാഈലിന്റെ ഏറ്റവും വലിയ സുഹൃത്ത്’ എന്നാണ് നെതന്യാഹു വിശേഷിപ്പിച്ചത്. ട്രംപിന്റെ ഭരണകാലത്താണ് യുഎസ് എംബസി ജറുസലേമിലേക്ക് മാറ്റിയതും 2020-ലെ അബ്രഹാം ഉടമ്പടികളും ഇസ്റാഈൽ-യുഎസ് ബന്ധത്തിന്റെ ശക്തി കാണിക്കുന്നുവെന്നും നെതന്യാഹു പറഞ്ഞു.

ഫലസ്തീൻ രാഷ്ട്രത്തെ അംഗീകരിക്കാനുള്ള പാശ്ചാത്യ രാജ്യങ്ങളുടെ നീക്കങ്ങളെ റൂബിയോ രൂക്ഷമായി വിമർശിച്ചു. “അവർ ഹമാസിന് ധൈര്യം നൽകുകയാണ്. ഇത്തരം നടപടികൾ പ്രതീകാത്മകം മാത്രമാണ്, യാഥാർത്ഥ്യത്തിൽ ഹമാസിന് കൂടുതൽ ശക്തി നൽകുകയാണ് അവർ,” മാർക്കോ റൂബിയോ പറഞ്ഞു. ഗസ്സ സിറ്റി കീഴടക്കാനും വെസ്റ്റ് ബാങ്കിന്റെ ചില ഭാഗങ്ങൾ പിടിച്ചെടുക്കാനുമുള്ള ഇസ്റാഈലിന്റെ പദ്ധതികളെക്കുറിച്ച് നെതന്യാഹുവുമായി ചർച്ച നടത്തുമെന്നും റൂബിയോ വ്യക്തമാക്കി.

ALSO READ: 'നെതന്യാഹുവിന്റേത് പാഴ്ക്കിനാവ്, ഇസ്‌റാഈല്‍ ദോഹയില്‍ ആക്രമണം നടത്തിയത് ഗസ്സയിലെ വെടിനിര്‍ത്തല്‍ ചര്‍ച്ചകള്‍ തടസ്സപ്പെടുത്താന്‍'; അടിയന്തര അറബ്-ഇസ്‌ലാമിക ഉച്ചകോടിയില്‍ ഖത്തര്‍ അമീര്‍ 

തിങ്കളാഴ്ച ഗസ്സയിൽ ഇസ്റാഈൽ നടത്തിയ വ്യോമാക്രമണത്തിൽ 17 പേർ കൊല്ലപ്പെട്ടതായി ഗസ്സ സിവിൽ ഡിഫൻസ് ഏജൻസി വക്താവ് മഹ്മൂദ് ബസാൽ അറിയിച്ചു. ഇതിനിടെ ഇസ്റാഈൽ അൽമവാസിയിലേക്ക് കൂടുതൽ താമസക്കാരെ തള്ളിവിടുന്നതായി ഹമാസ് ആരോപിച്ചു. അവിടെ ഭക്ഷണവും വെള്ളവും കുറവാണ്, രോഗങ്ങൾ പടരുന്നുവെന്നും ഹമാസ് വക്താക്കൾ പറഞ്ഞു.

ജറുസലേമിനെ ഇസ്റാഈലിന്റെ ‘നിത്യ തലസ്ഥാനം’ എന്നാണ് മാർക്കോ റൂബിയോ വിശേഷിപ്പിച്ചത്. ഞായറാഴ്ച വെസ്റ്റേൺ വാളിൽ നെതന്യാഹുവിനൊപ്പം പ്രാർത്ഥനയിൽ പങ്കെടുത്ത റൂബിയോ, സിൽവാൻ ഫലസ്തീൻ അയൽപക്കത്തിന് താഴെയുള്ള വിവാദ തുരങ്കത്തിന്റെ ഉദ്ഘാടനത്തിലും പങ്കെടുക്കും. ഈ തുരങ്കം ഫലസ്തീൻ നിവാസികൾക്കിടയിൽ ആശങ്കയുണ്ടാക്കിയിട്ടുണ്ട്.

US Secretary of State Marco Rubio reaffirmed unwavering support for Israel during a Jerusalem visit, despite controversy over an Israeli attack in Qatar. Rubio called for Hamas’s elimination and criticized Palestinian statehood moves, signaling strong US-Israel ties amid Gaza tensions.