അബൂദബി: ഫലസ്തീന്‍ ജനതയോടുള്ള യു.എ.ഇയുടെ തുടര്‍ മാനുഷിക പ്രതിബദ്ധത ആവര്‍ത്തിച്ചുറപ്പിച്ച് ഓപറേഷന്‍ ഷിവല്‍റസ് നൈറ്റ്3നു കീഴില്‍ ഹംദാന്‍ കാരുണ്യ കപ്പല്‍ ഈജിപ്തിലെ അല്‍ അരീഷ് തുറമുഖത്തെത്തി.
അല്‍ ദഫ്‌റ മേഖലയിലെ അബൂദബി ഭരണാധികാരിയുടെ പ്രതിനിധിയും എമിറേറ്റ്‌സ് റെഡ് ക്രസന്റ് ചെയര്‍മാനുമായ ശൈഖ് ഹംദാന്‍ ബിന്‍ സായിദ് അല്‍ നഹ്‌യാന്റെ നിര്‍ദേശ പ്രകാരമാണ് കപ്പല്‍ തയാറാക്കി അയച്ചത്.

ഓഗസ്റ്റ് 30ന് ഖലീഫ തുറമുഖത്ത് നിന്ന് പുറപ്പെട്ട കപ്പലില്‍ ഫലസ്തീന്‍ ജനതയ്ക്ക് അടിയന്തര സഹായം നല്‍കാനായി ഗസ്സ മുനമ്പിനായി 7,000 ടണ്‍ ഭക്ഷണവും വൈദ്യ സഹായവും ദുരിതാശ്വാസ സഹായ സാമഗ്രികളും സംഭരിച്ചിട്ടുണ്ട്.
സഹായ ഷിപ്‌മെന്റില്‍ 5,000 ടണ്‍ ഭക്ഷണ പാഴ്‌സലുകള്‍, കമ്മ്യൂണിറ്റി കിച്ചണുകള്‍ക്കുള്ള 1,900 ടണ്‍ സാധനങ്ങള്‍, ആരോഗ്യ സേവനങ്ങള്‍ മെച്ചപ്പെടുത്താന്‍ 100 ടണ്‍ മെഡിക്കല്‍ ടെന്റുകള്‍, കൂടാതെ, പൂര്‍ണമായും സജ്ജീകരിച്ച അഞ്ച് ആംബുലന്‍സുകള്‍ എന്നിവ ഉള്‍പ്പെടുന്നു.

ഗസ്സയിലേക്ക് അയച്ച എമിറാത്തി സഹായ കപ്പലുകളുടെ ആകെ എണ്ണം ഇതോടെ 20 ആയി ഉയര്‍ന്നു. സുസ്ഥിര മാനുഷിക സഹായം നല്‍കാനും, ഫലസ്തീനികളുടെ ബുദ്ധിമുട്ടുകള്‍ ലഘൂകരിക്കാനും, അടിസ്ഥാന ആവശ്യങ്ങള്‍ പരിഹരിക്കാനുമുള്ള യു.എ.ഇയുടെ പ്രതിബദ്ധത ഓപറേഷന്‍ ഷിവല്‍റസ് നൈറ്റ്3 അടിവരയിടുന്നു.
ഈ സംരംഭം ആരംഭിച്ച ശേഷം, യു.എ.ഇ ഏകദേശം 90,000 ടണ്‍ മാനുഷിക സഹായം വിതരണം ചെയ്തിട്ടുണ്ട്. ഇതിന് 1.8 ബില്യണ്‍ യു.എസ് ഡോളര്‍ ചെലവായി.

ദരിദ്രരും പ്രതിസന്ധികളാല്‍ വലയുന്നവരും തങ്ങളുടെ ജീവകാരുണ്യ, മാനുഷിക സ്ഥാപനങ്ങളുമായി സഹകരിച്ച്, സഹായം ആവശ്യമുള്ളവര്‍ക്കും പ്രതിസന്ധികള്‍ ബാധിച്ചവര്‍ക്കും പിന്തുണ നല്‍കാനുള്ള യു.എ.ഇയുടെ അചഞ്ചലമായ പ്രതിബദ്ധത ഈ പ്രവര്‍ത്തനം പ്രതിഫലിപ്പിക്കുന്നു.

The Hamdan Humanitarian Ship has arrived at Al Arish Port in Egypt under Operation Chivalrous Knight 3, reaffirming the UAE’s ongoing humanitarian commitment to the Palestinian people. The ship was prepared and dispatched under the directives of H.H. Sheikh Hamdan bin Zayed Al Nahyan, Ruler’s Representative in Al Dhafra Region and Chairman of the Emirates Red Crescent.