മണ്ണാര്‍ക്കാട്: ബൈക്കും കാറും കൂട്ടിയിടിച്ച് ബൈക്ക് യാത്രക്കാരനായ പ്രധാനാധ്യാപകന് പരുക്ക്.
തിരുവിഴാംകുന്ന് ജി.എല്‍.പി സ്‌കൂളിലെ പ്രധാനാധ്യാപകന്‍ എടത്തനാട്ടുകര കോട്ടപ്പള്ളയിലെ കെ.അബൂബക്കറിനാണ് പരുക്കേറ്റത്.
ഇന്നലെ രാവിലെ ഒമ്പതരയോടെ കോട്ടപ്പള്ളയില്‍ നിന്നും തിരവിഴാംകുന്നിലെ സ്‌കൂളിലേക്ക് പോവുന്നതിനിടെ മൂച്ചിക്കലില്‍ എതിരേ വന്ന കാറിടിക്കുകയായിരുന്നു. കാലിന് പരുക്കേറ്റ അബൂബക്കറിനെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.