ഗുവാഹതി: അസമിലെ ബി.ജെ.പി സര്‍ക്കാരിന്റെ പ്രതികാരനടപടിക്കിരയായിക്കൊണ്ടിരിക്കുന്ന വടക്കു കിഴക്കന്‍ മേഖലയിലെ ആദ്യ സ്വകാര്യ സര്‍വകലാശാലയായ മേഘാലയ സയന്‍സ് ആന്‍ഡ് ടെക്‌നോളജി(യു.എസ്.ടി.എം)ക്ക് 150.35 കോടി രൂപ പിഴയിട്ടു. കേന്ദ്രത്തിന്റെ അനുമതിയില്ലാതെ 25 ഹെക്ടര്‍ വനഭൂമിയിലാണ് യൂനിവേഴ്‌സിറ്റി നിര്‍മ്മിച്ചതെന്ന് ആരോപിച്ച് സുപ്രിംകോടതി നിയോഗിച്ച സെന്‍ട്രല്‍ എംപവേര്‍ഡ് കമ്മിറ്റി (സി.ഇ.സി)യുടെതാണ് നടപടി. യു.എസ്.ടി.എമ്മും ചുറ്റുമുള്ള കെട്ടിടങ്ങളും കൈവശപ്പെടുത്തിയ മുഴുവന്‍ പ്രദേശവും ഒരു വര്‍ഷത്തിനുള്ളില്‍ സാധാരണ വനത്തിലേക്ക് പൂര്‍ണ്ണമായും പുനഃസ്ഥാപിക്കണമെന്നും പിഴത്തുകയില്‍ നിന്നുള്ള ഫണ്ട് കെട്ടിടങ്ങള്‍ പൊളിക്കാന്‍ ഉപയോഗിക്കണമെന്നും സമിതി ശുപാര്‍ശ ചെയ്തു. ഇതോടെ കെട്ടിടം പൊളിച്ചുനീക്കുമെന്ന സൂചനയുയര്‍ന്നിട്ടുണ്ട്.

റിഭോയിലുടനീളം അനധികൃത ഖനനം നടക്കുന്നുവെന്ന് ആരോപിച്ച സമിതി, ഔദ്യോഗിക അവലോകനം നടത്തുന്നതുവരെ ജില്ലയിലെ എല്ലാ ഖനന, ക്വാറി, തകര്‍ക്കല്‍ പ്രവര്‍ത്തനങ്ങളും നിര്‍ത്തിവയ്ക്കണമെന്നും ശുപാര്‍ശ ചെയ്തു. സര്‍വകലാശാല സ്ഥിതിചെയ്യുന്ന നിലവിലുള്ള 15.71 ഹെക്ടര്‍ ഭൂമിയില്‍ 13.62 ഹെക്ടറും വനഭൂമിയാണെന്നാണ് കേന്ദ്രം പറയുന്നത്. 
പ്രളയജിഹാദ് നടത്തുകയാണെന്ന് ആരോപിച്ച് അസം മുഖ്യമന്ത്രി ഹിമന്ത ബിശ്വ ശര്‍മ രംഗത്തുവന്നതിന് പിന്നാലെ, പരീക്ഷയില്‍ ക്രമക്കേട് നടത്തിയെന്ന പേരില്‍ സര്‍വകലാശാലയുടെ സ്ഥാപക ചാന്‍സലറും വിദ്യാഭ്യാസ വിചക്ഷണനുമായ മഹ്ബൂബുല്‍ ഹഖിനെ കഴിഞ്ഞവര്‍ഷം അറസ്റ്റ്‌ചെയ്തിരുന്നു. ഹഖിന് പിന്നീട് ഗുവാഹതി ഹൈക്കോടതി ജാമ്യം നല്‍കുകയുണ്ടായി.
യു.എസ്.ടി.എമ്മിനെതിരെ പ്രളയ ജിഹാദ് ഉള്‍പ്പെടെയുള്ള ആരോപണങ്ങള്‍ ആണ്ഹിമന്ത ബിശ്വ ശര്‍മ്മ ഉന്നയിച്ചിരുന്നത്. യു.എസ്.ടി.എം വ്യാജ ബിരുദങ്ങള്‍ വിതരണം ചെയ്യുകയാണെന്നും ഹഖ് വഞ്ചനാപരമായ നടപടിയിലൂടെഒ.ബി.സി സര്‍ട്ടിഫിക്കറ്റ് നേടിയെന്നും ശര്‍മ ആരോപിച്ചിരുന്നു. എന്നാല്‍, ഈ അവകാശവാദങ്ങളൊന്നും വിശ്വസനീയമായ തെളിവുകളോടെ സ്ഥിരീകരിക്കപ്പെട്ടിട്ടില്ല. ഇവ ഹഖ് തള്ളുകയും ചെയ്തിട്ടുണണ്ട്. പഠനനിലവാരം സംബന്ധിച്ച ആരോപണങ്ങള്‍ സര്‍വകലാശാല ശക്തമായി നിഷേധിച്ചിരുന്നു. നാക്കിന്റെ ആദ്യ 50 റാങ്കില്‍പെട്ട സ്ഥാപനം ആണിത്.

അസം സ്വദേശിയായ മഹ്ബൂല്‍ ഹഖ് സ്ഥാപിച്ച എജുക്കേഷന്‍ റിസര്‍ച്ച് ആന്‍ഡ് ഡെവലപ്‌മെന്റ് ഫൗണ്ടേഷന് കീഴില്‍ 2008ലാണ് സര്‍വകലാശാല സ്ഥാപിച്ചത്. ഗുവാഹത്തിയുടെ പ്രവേശന കേന്ദ്രമായ ജോര്‍ബട്ടിനോട് ചേര്‍ന്നുള്ള മേഘാലയയിലെ റിഭോയ് ജില്ലയിലാണ് സര്‍വകലാശാലയുള്ളത്. 

The Central Empowered Committee (CEC) of the Supreme Court  submitted its report on alleged illegal mining and hill cutting in Ri Bhoi and East Khasi Hills districts of Meghalaya, recommending the restoration of the entire area occupied by the University of Science and Technology Meghalaya (USTM)—a minority institution targeted by Hindu nationalists and accused by Assam Chief Minister Himanta Biswa Sarma of “flood jihad”—along with a minimum fine of Rs 150 crore for violations of forest laws.