റിയാദ്: സൗദി അറേബ്യയിലെ ഗ്രാന്‍ഡ് മുഫ്തിയും മുതിര്‍ന്ന പണ്ഡിതരുള്‍പ്പെടുന്ന കൗണ്‍സില്‍ മേധാവിയുമായ ഷെയ്ഖ് അബ്ദുല്‍ അസീസ് ബിന്‍ അബ്ദുല്ല ബിന്‍ മുഹമ്മദ് അല്‍ അല്‍ഷെയ്ഖ് അന്തരിച്ചു. 82 വയസ്സായിരുന്നു. അദ്ദേഹത്തിന്റെ മരണം സൗദി പ്രസ് ഏജന്‍സി (എസ്പിഎ) സ്ഥിരീകരിച്ചു. ഇന്ന് പുലര്‍ച്ചെയാണ് മരണപ്പെട്ടതെന്ന് റോയല്‍ കോര്‍ട്ട് അറിയിച്ചു. മുസ്‌ലിം വേൾഡ് ലീഗിന്റെ സുപ്രീം കൗൺസിൽ പ്രസിഡന്റുമായിരുന്നു. 
ഇന്ന് അസര്‍ നമസ്‌കാരത്തിന് ശേഷം റിയാദിലെ ഇമാം തുര്‍ക്കി ബിന്‍ അബ്ദുല്ല പള്ളിയില്‍ അദ്ദേഹത്തിന്റെ മയ്യിത്ത് നിസ്‌കാരം നടക്കും.

മക്കയിലെ മസ്ജിദുല്‍ ഹറം, മദീനയിലെ പ്രവാചകന്റെ പള്ളി, രാജ്യത്തുടനീളമുള്ള മറ്റ് പള്ളികള്‍ എന്നിവിടങ്ങളില്‍ അസാന്നിധ്യത്തിലും മയ്യിത്ത് നിസ്‌കാരം നടക്കും.

ഇസ്ലാമിനെ സേവിക്കുന്നതിനും മുസ്ലിംകളെ നയിക്കുന്നതിനും വേണ്ടി തന്റെ ജീവിതം സമര്‍പ്പിച്ച പണ്ഡിതമായിരുന്നു അദ്ദേഹമെന്ന് റോയല്‍ കോര്‍ട്ട് ഇറക്കിയ സന്ദേശത്തില്‍ പറഞ്ഞു.

ഇന്ന് വൈകീട്ട് അസ്വര്‍ നിസ്‌കാരാനന്തരം ദീരയിലെ ഇമാം തുര്‍ക്കി ബിന്‍ അബ്ദുല്ല മസ്ജിദില്‍ മയ്യിത്ത് നമസ്‌കാരം നടക്കും. അസറിന് ശേഷം ഇരുഹറമുകളിലും മയ്യിത്ത് നമസ്‌കാരം നടത്താനും ഭരണാധികാരി സല്‍മാന്‍ രാജാവ് നിര്‍ദേശം നൽകിയിട്ടുണ്ട്.

The Grand Mufti of Saudi Arabia and the Head of the Council of Senior Scholars, Sheikh Abdulaziz bin Abdullah bin Mohammed Al Al-Sheikh رحمه الله, has died, the government owned Saudi Press Agency (SPA) announced Tuesday. He was 84.