മലപ്പുറം: മഞ്ചേരിയിൽ വിൽപനക്കായി സൂക്ഷിച്ച 30 ഗ്രാം എംഡിഎംഎയുമായി രണ്ട് പേർ പൊലിസ് പിടിയിൽ. പാലക്കാട് തൃപ്പനച്ചി സ്വദേശി പൊറ്റയിൽ വീട്ടിൽ മലയൻ ഷാഹുൽ ഹമീദ് (37), കൂട്ടാവ് കാരാപറമ്പ് സ്വദേശി കാണപറമ്പത്ത് വീട്ടിലുള്ള സജ്മീർ (33) എന്നിവരെയാണ് മഞ്ചേരി പൊലിസ് കസ്റ്റഡിയിലെടുത്തത്. കഴിഞ്ഞ ദിവസം രാത്രി രാത്രി കാരാപറമ്പ്-പൂക്കൊളത്തൂർ റോഡിലെ നിരന്നപറമ്പ് എന്ന സ്ഥലത്ത് നിന്നാണ് പ്രതികളെ പിടികൂടിയത്. മഞ്ചേരി സബ് ഇൻസ്പെക്ടർ എം.കെ. നവീൻ ഷാജി നയിക്കുന്ന സംഘം, മലപ്പുറം ഡാൻസാഫ് ടീമിന്റെ സഹായത്തോടെയാണ് പ്രതികളെ അറസ്റ്റ് ചെയ്തത്. 

പിടികൂടിയവർ മഞ്ചേരി, അരീക്കോട്, കാരാപറമ്പ്, പൂക്കൊളത്തൂർ, തൃപ്പനച്ചി എന്നിവിടങ്ങളിൽ വിദ്യാർഥികളെയും യുവാക്കളെയും ലക്ഷ്യമിട്ട് മയക്കുമരുന്ന് വിതരണം നടത്തുന്ന സംഘത്തിന്റെ അംഗങ്ങളാണ്. ഇവരിൽ നിന്ന് പിടിച്ചെടുത്ത മയക്കുമരുന്നിന്റെ ചില്ലറ വിപണി വില 2 ലക്ഷം രൂപയാണെന്നും പൊലിസ് വ്യക്തമാക്കി. ലഹരി വ്യാപാരത്തിൽ നിന്ന് ലഭിച്ച ഏകദേശം 50,000 രൂപ, ഗ്ലാസ് ഫ്യൂമുകൾ, സിറിഞ്ചുകൾ, മരുന്ന് പാക്ക് ചെയ്യാൻ ഉപയോഗിക്കുന്ന ചെറിയ പ്ലാസ്റ്റിക് സിപ് ലോക്ക് പാക്കറ്റുകൾ, ലഹരി കടത്തിനായി ഉപയോഗിച്ച ആഡംബര വാഹനം എന്നിവയും പൊലിസ് പിടിച്ചെടുത്തു.

ALSO READ: എന്താണ് കസ്റ്റംസിന്റെ ഓപറേഷന്‍ 'നുംഖോര്‍'; പേരിനു പിന്നിലുമുണ്ട് ഭൂട്ടാന്‍ കണക്ഷന്‍

സമാന കേസിന് നേരത്തെയും അറസ്റ്റിൽ

ലഹരി കടത്തുമായി ബന്ധപ്പെട്ട് പൊലിസ് നേരത്തെയും പ്രതികളെ കസ്റ്റഡിയിലെടുത്തിരുന്നു. ലഹരിക്കച്ചവടത്തിന് സാമ്പത്തിക പിന്തുണ നൽകിയവരെ കുറിച്ചുള്ള അന്വേഷണം പൊലിസ് തുടരുകയാണ്. മലപ്പുറം ഡിവൈഎസ്പി കെ.എം. ബിജു, നാർക്കോട്ടിക് സെൽ ഡിവൈഎസ്പി സിബിഎന്നിവരുടെ നേതൃത്വത്തിൽ, മഞ്ചേരി പൊലിസ് ഇൻസ്പെക്ടർ പ്രതാപ്കുമാർ, എ.എസ്.ഐ. വാഷിദ്, സീനിയർ സിവിൽ പൊലിസ് ഓഫിസർമാരായ റിയാസ്, രജീഷ്, ജില്ലാ ആന്റി നാർക്കോട്ടിക് സ്പെഷ്യൽ ടീം അംഗങ്ങൾ പി. മുഹമ്മദ് സലീം, വി.പി. ബിജു, ദിനേഷ് ഇരൂപ്പക്കണ്ടൻ, കെ.കെ. ജസീർ, ആർ. രഞ്ജിത്ത് എന്നിവർ ചേർന്ന സംഘമാണ് പ്രതികളെ അറസ്റ്റ് ചെയ്ത് കേസ് അന്വേഷണം നടത്തുന്നത്.

Manjeri police have apprehended two individuals, Malayen Shahul Hameed (37) from Palakkad's Trippanachi and Sajmeer (33) from Kuttoor Karaparamba, for possessing 30 grams of MDMA intended for sale. The suspects were taken into custody after a raid, highlighting the ongoing efforts of law enforcement to combat drug trafficking in the region