മംഗളൂരു: ജ്വല്ലറി ജീവനക്കാരനില്‍ നിന്ന് കോടികള്‍ വിലമതിക്കുന്ന സ്വര്‍ണ്ണം കവര്‍ന്ന പ്രതികള്‍ക്കായി തിരച്ചില്‍. മംഗളൂരു ഹമ്പന്‍കട്ടയിലെ ജ്വല്ലറി ജീവനക്കാരനായ മുസ്തഫയുടെ പക്കല്‍ നിന്നാണ് 1650 ഗ്രാം സ്വര്‍ണമാണ് അജ്ഞാത സംഘം കവര്‍ന്നത്. വിപണിയില്‍ ഏകദേശം ഒന്നരക്കോടി രൂപയാണ് ഇതിന്റെ മൂല്യം. 

കാര്‍ സ്ട്രീറ്റിലെ കടയിലേക്ക് ശുദ്ധീകരണത്തിനായി സ്വര്‍ണ്ണക്കട്ടി കൊണ്ടുപോവുകയായിരുന്നു മുസ്തഫ. തന്റെ സ്‌കൂട്ടറിന്റെ സീറ്റിനടിയിലായിരുന്നു സ്വര്‍ണം വച്ചത്. കാര്‍ സ്ട്രീറ്റിലെ വെങ്കടരമണ ക്ഷേത്രത്തിന് സമീപം മോട്ടോര്‍ സൈക്കിളിലെത്തിയ രണ്ടുപേര്‍ ഇയാളെ തടഞ്ഞു നിര്‍ത്തുകയും, ആക്രമിക്കുകയും ചെയ്തു. 

മുസ്തഫയുടെ ഫോണ്‍ തട്ടിയെടുത്ത സംഘം, കത്തി കാണിച്ച് ഭീഷണിപ്പെടുത്തി കാറില്‍ കയറ്റി കൊണ്ടുപോയി. ശേഷം സ്‌കൂട്ടറില്‍ നിന്ന് സ്വര്‍ണ്ണം കാറിലേക്ക് മാറ്റിയെന്നാണ് മൊഴി. കവര്‍ച്ചക്ക് ശേഷം മുസ്തഫയെ അക്രമികള്‍ വഴിയരികില്‍ ഉപേക്ഷിച്ചു. 

വഴിയാത്രക്കാരന്റെ ഫോണ്‍ കടംവാങ്ങി സുഹൃത്തിനെ ബന്ധപ്പെട്ട് ജ്വല്ലറി മാനേജരെ വിവരമറിയിച്ചു. മാനേജരും മറ്റുള്ളവരും സ്ഥലത്തെത്തി മുസ് തഫയുടെ സുരക്ഷ ഉറപ്പാക്കി. സംഭവത്തില്‍ മംഗളുരു നോര്‍ത്ത് പൊലിസ് കേസെടുത്ത് അന്വേഷണം ആരംഭിച്ചു. 

ALSO READ: ലൈംഗികാതിക്രമ കേസ്: സ്വാമി ചൈതന്യാനന്ദ സരസ്വതിയെ അഞ്ച് ദിവസത്തെ പൊലിസ് കസ്റ്റഡിയിൽ വിട്ട് ഡൽഹി പട്യാല ഹൗസ് കോടതി 

gang has stolen 1650 grams of gold, worth around 1.5 crore rupees, from Mustafa, a jewelry employee in Hampankatta, Mangaluru.