തൃശൂര്‍: പാലിയേക്കര ടോള്‍ പിരിവില്‍ നിര്‍ണായക ഉത്തരവുമായി ഹൈക്കോടതി. ടോള്‍ പിരിക്കാനുള്ള സ്റ്റേ കോടതി പിന്‍വലിച്ചു. ഉപാധികളോടെ ടോള്‍ പിരിക്കാം.  യാത്രക്കാരുടെ സുരക്ഷ ഉറപ്പാക്കണമെന്നും പുതുക്കിയ ടോള്‍ നിരക്ക് ഈടാക്കാന്‍ പാടില്ല എന്നും കോടതി നിര്‍ദേശിച്ചിട്ടുണ്ട്. 

അതേസമയം, കേസ് കോടതി തീര്‍പ്പാക്കിയിട്ടില്ല. ഹരജി രണ്ടാഴ്ച്ചയ്ക്ക് ശേഷം വീണ്ടും പരിഗണിക്കും. 

കഴിഞ്ഞ ഓഗസ്റ്റ് ആറിനാണ് പാലിയേക്കരയിലെ ടോള്‍ മരവിപ്പിച്ച് ഹൈക്കോടതി ഇടക്കാല ഉത്തരവിറക്കിയത്. ഇത് ഓഗസ്റ്റ് 18ലെ ഉത്തരവുവഴി സുപ്രിംകോടതി ശരിവച്ചു. തുടര്‍ന്നുള്ള ഉത്തരവുകളിലൂടെ വിലക്ക് വീണ്ടും നീട്ടുകയായിരുന്നു. റോഡുകളുടെ ശോച്യാവസ്ഥയും ഗതാഗതക്കുരുക്കും പരിഗണിച്ചാണ് ഹൈക്കോടതി ടോള്‍ തടഞ്ഞിരുന്നത്. 

ALSO READ: എന്റെ മകളുടെ ഷോൾ മതേതരമല്ലേ? സെന്റ് റീത്താസ് സ്‌കൂളിൽ നിന്ന് വിദ്യാർഥിനിയുടെ ടി.സി വാങ്ങുകയാണെന്ന് പിതാവ്; വ്യാജ പ്രചാരണങ്ങൾക്കെതിരെ നിയമനടപടി

ആമ്പല്ലൂര്‍, മുരുങ്ങൂര്‍ മേഖലയില്‍ ഗതാഗതക്കുരുക്ക് തുടരുന്നുവെന്ന് അവസാനം ഹരജി പരിഗണിച്ചപ്പോള്‍ കലക്ടര്‍ അറിയിച്ചിരുന്നു. തിരക്കുള്ള സമയങ്ങളില്‍ മാത്രമാണ് കുരുക്കെന്നും ടോള്‍ വിലക്ക് നീക്കണമെന്നും കേന്ദ്ര സര്‍ക്കാരിനായി ഹാജരായ സോളിസിറ്റര്‍ ജനറല്‍ തുഷാര്‍ മേത്ത ആവശ്യപ്പെട്ടു. 

താല്‍കാലിക പരിഹാരമെന്ന നിലയില്‍ എന്തെങ്കിലും ചെയ്യാന്‍ സാധിക്കുമോ എന്ന് കലക്ടറോട് ചോദിച്ച കോടതി ഇന്നു തന്നെ സ്ഥലം സന്ദര്‍ശിച്ച് പരിശോധിക്കാന്‍ നിര്‍ദേശിച്ചിരുന്നു. സര്‍വീസ് റോഡിലൂടെയുള്ള ഗതാഗതം നിലവില്‍ സുഗമമാണെന്ന് ജില്ലാ കളക്ടര്‍ ഇന്ന് അറിയിച്ചതോടെയാണ് ടോള്‍പിരിവ് നിര്‍ത്തിവെച്ചത് പുനരാരംഭിക്കാന്‍ കോടതി അനുമതി നല്‍കിയത്. കേസ് തീര്‍പ്പാക്കുന്നതും സുരക്ഷാപ്രശ്‌നങ്ങള്‍ ഉള്‍പ്പെടെയുള്ള കാര്യങ്ങള്‍ ആവശ്യമായ സമയങ്ങളില്‍ പരിശോധിക്കുമെന്നും കോടതി വ്യക്തമാക്കി. 

English summary: The Kerala High Court has issued a crucial interim order in the Paliekkara toll collection case. The court has lifted the stay on toll collection but has imposed strict conditions: