കൊച്ചി: ശിരോവസ്ത്രം ധരിച്ചതിന്റെ പേരിൽ എട്ടാം ക്ലാസ് വിദ്യാർഥിനിയെ പുറത്തുനിർത്തിയ എറണാകുളം സെന്റ് റീത്താസ് സ്‌കൂളിൽ നിന്ന് വിദ്യാർഥിനിയെ മാറ്റുന്നതായി പിതാവ് അറിയിച്ചു. വിദ്യാർത്ഥിനിയെ ടിസി വാങ്ങി മറ്റൊരു സ്കൂളിൽ ചേർക്കുമെന്ന് പിതാവും അഭിഭാഷകനും വ്യക്തമാക്കി. കുട്ടിയുടെ ടിസി വാങ്ങി മറ്റൊരു സ്‌കൂളിൽ ചേർക്കും. സ്‌കൂൾ ഏതെന്ന് തീരുമാനിച്ചിട്ടില്ല. കുട്ടി മാനസികമായി ബുദ്ധിമുട്ടിലാണെന്നും അതിനാൽ ഇത്തരത്തിലൊരു തീരുമാനത്തിലേക്ക് നീങ്ങുകയാണെന്നും അറിയിച്ചു. മറ്റു കുട്ടികൾക്ക് ഭയമാണ് എന്ന സ്‌കൂൾ അധികൃതരുടെ പരാമർശം വേദനിപ്പിച്ചെന്നും അദ്ദേഹം പറയുക.

മതേതര വസ്ത്രങ്ങൾ അനുവദനീയമാണ് എന്നാണ് പള്ളുരുത്തി സെന്റ് റീത്താസ് സ്കൂൾ അധികൃതർ പറയുന്നത്. അപ്പോൾ എൻറെ മകൾ ധരിച്ച ഷോൾ മതേതരമല്ലേ എന്നും പിതാവ് ചോദിച്ചു. മകൾക്കും തന്റെ കുടുംബത്തിനുമെതിരെ വ്യാജ പ്രചാരണങ്ങൾ നടക്കുന്നുണ്ട്. അതിനെതിരെ നിയമനടപടി സ്വീകരിക്കും എന്നും കുട്ടിയുടെ പിതാവിൻറെ അഭിഭാഷകൻ വ്യക്തമാക്കി. 

പിതാവ് മതഭ്രാന്തുള്ള ആളാണ്, കുട്ടിയുടെ വിദ്യാഭ്യാസത്തിന് പ്രാധാന്യം നൽകുന്നില്ല എന്നിങ്ങനെ പ്രചാരണങ്ങൾ നടക്കുന്നുണ്ട്. എന്നാൽ ഇത് വാസ്തവ വിരുദ്ധമാണ് എന്ന് അഭിഭാഷകൻ പറഞ്ഞു. വിദ്യാർഥിനി ഉൾപ്പെടെ നാല് പെൺകുട്ടികളാണ് അദ്ദേഹത്തിന് ഉള്ളത്. ഇതിൽ മൂത്തമകൾ ഉന്നത വിദ്യാഭ്യസത്തിനായി ലണ്ടനിൽ ആണ് ഉള്ളത്. രണ്ടാമത്തെ മകൾ റഷ്യയിൽ എംബിബിഎസിന് പഠിക്കുകയാണ്. അദ്ദേഹം ലോൺ എടുത്തിട്ടാണ് അദ്ദേഹത്തിന്റെ പെൺകുട്ടികളെ പഠിപ്പിക്കുന്നതെന്നും അഭിഭാഷകൻ വ്യക്തമാക്കി.

ALSO READ: ഹിജാബ് വിവാദം; വർഗീയ ചേരിതിരിവിന് ഒളിയജൻഡകൾ സജീവം

അതേസമയം, സെന്റ് റീത്താസ് സ്കൂൾ മാനേജ്മെൻറിനെതിരെ രൂക്ഷ വിമർശനവുമായി വിദ്യാഭ്യാസ മന്ത്രി രംഗത്ത് വന്നു. ഹിജാബിനെതിരെ സംസാരിച്ചത് ശിരോവസ്ത്രമിട്ട പ്രിൻസിപ്പാളാണെന്ന  വി. ശിവൻകുട്ടി പറഞ്ഞു. വിദ്യാർഥിനി സ്കൂൾ വിടാൻ കാരണക്കാരായവർ മറുപടി പറയേണ്ടിവരുമെന്നും വിദ്യാഭ്യാസ മന്ത്രി മാധ്യമങ്ങളോട് പ്രതികരിച്ചു. കുട്ടി അനുഭവിക്കുന്ന മാനസിക സമ്മർദ്ദം വളരെ വലുതാണ് എന്നും മന്ത്രി പറഞ്ഞു.

ALSO READ: ഹിജാബിനെതിരെ സംസാരിച്ചത് ശിരോവസ്ത്രമിട്ട അധ്യാപികയെന്ന് വിദ്യാഭ്യാസ മന്ത്രി; കാരണക്കാർ മറുപറയേണ്ടിവരും

കുട്ടിക്ക് ആ സ്കൂളിലേക്ക് പോകാനുള്ള എല്ലാ അവകാശവുമുണ്ട് എന്ന് വി. ശിവൻകുട്ടി പ്രതികരിച്ചു. സംഭവത്തിൽ ഉണ്ടായ വീഴ്ച പരിശോധിക്കുമെന്നും വിദ്യാഭ്യാസ മന്ത്രി പറഞ്ഞു. കുട്ടി അനുഭവിക്കുന്ന മാനസിക സമ്മർദ്ദം വളരെ വലുതാണ്. ഒരു കുട്ടിയുടെ പ്രശ്നം ആണെങ്കിലും സംരക്ഷണം നൽകുക എന്നതാണ് സർക്കാർ നിലപാട്. കുട്ടിയെ വിളിച്ച് ആ പ്രശ്നം തീർക്കാൻ ശ്രമിക്കണമെന്നും അദ്ദേഹം പറഞ്ഞു.