വാഷിങ്ടണ്‍: തെരഞ്ഞെടുപ്പിന്റെ ഭാഗമായുള്ള സംവാദത്തിനിടേയും ഫലസ്തീന്‍ വിഷയത്തിലെ തന്റെ നിലപാട് ആവര്‍ത്തിച്ച് ന്യൂയോര്‍ക്ക് മേയര്‍ സ്ഥാനാര്‍ഥി സൊഹ്‌റാന്‍ മംദാനി. ഇസ്‌റാഈല്‍ ഗസ്സയില്‍ നടത്തിയത് വംശഹത്യ തന്നെയാണെന്ന് ചൂണ്ടിക്കാട്ടിയ അദ്ദേഹം സയണിസ്റ്റ് രാജ്യത്തിന്റെ പ്രവൃത്തികള്‍ ഞെട്ടലുളവാക്കുന്നതാണെന്നും കൂട്ടിച്ചേര്‍ത്തു. 

അതിനിടെ, ഗസ്സ യുദ്ധത്തില്‍ യു.എസ് ഇസ്‌റാഈലിന് നല്‍കുന്ന പിന്തുണയില്‍ പ്രതിഷേധിച്ച് ഡെമോക്രാറ്റുകള്‍ രംഗത്തെത്തിയപ്പോള്‍ അതിന് വിരുദ്ധമായ നിലപാട് സ്വീകരിച്ചയാളാണ് മംദാനിയെന്നുമുള്ള വിമര്‍ശനവുമായി  മറ്റൊരു മേയര്‍ സ്ഥാനാര്‍ഥി കുമോ രംഗത്തെത്തി. അതിനാല്‍ അയാള്‍ ഡെമോക്രാറ്റല്ലെന്നും കുമോ ചൂണ്ടിക്കാട്ടി. ഇസ്‌റാഈല്‍ ഫലസ്തീനികള്‍ക്കെതിരായി നടത്തുന്ന വംശഹത്യയില്‍ തനിക്ക് കടുത്ത ഞെട്ടലുണ്ടെന്നായിരുന്നു ഇതിന് അദ്ദേഹം നല്‍കിയ മറുപടി.  

ALSO READ: സാലിഹ് അല്‍ ജഫറാവിയുടെ കുഞ്ഞനുജനിലൂടെ ഇനി ലോകം ഗസ്സയെ കേള്‍ക്കും...

ഹമാസ് ആയുധം താഴെവെക്കുമെന്നാണ് പ്രതീക്ഷയെന്നും. വെടിനിര്‍ത്തല്‍ കരാറിന്റെ ഭാഗമായി ഇരുവിഭാഗവും ആയുധം താഴെവെക്കണം. വെടിനിര്‍ത്തല്‍ കരാര്‍ പ്രാബല്യത്തില്‍ വന്നാല്‍ ഗസ്സയിലേക്ക് കൂടുതല്‍ സഹായമെത്തുമെന്നും മംദാനി പറഞ്ഞു. അന്താരാഷ്ട്ര നീതിന്യായ കോടതിയില്‍ നെതന്യാഹുവിന്റെ നിയമവിദഗ്ധര്‍ക്കൊപ്പം ചേര്‍ന്ന കുമോയുടെ നടപടിയേയും മംദാനി വിമര്‍ശിച്ചു.

മേയറായി തെരഞ്ഞെടുക്കപ്പെട്ടാല്‍ ഇസ്‌റാഈല്‍ പ്രധാനമന്ത്രി ബിന്യമിന്‍ നെതന്യാഹുവിനെ അറസ്റ്റ് ചെയ്യുമെന്ന് സൊഹ്‌റാന്‍ മംദാനി പ്രസ്താവന നടത്തിയിരുന്നു.  നഗരത്തില്‍ പ്രവേശിച്ചാന്‍ ന്യൂയോര്‍ പൊലിസ് വകുപ്പ് നെതന്യാഹുവിനെ അറസ്റ്റ് ചെയ്യും. ഇതാണ് താന്‍ പൂര്‍ത്തീകരിക്കാന്‍ ആഗ്രഹിക്കുന്ന ലക്ഷ്യമെന്നും ന്യൂയോര്‍ക്ക് ടൈംസിന് നല്‍കിയ അഭിമുഖത്തില്‍ അദ്ദേഹം വ്യക്തമാക്കിയിരുന്നു. യു.എസ് ഇതുവരെയും അന്താരാഷ്ട്ര ക്രിമിനല്‍ കോടതിയെ അംഗീകരിച്ചിട്ടില്ലെങ്കിലും താന്‍ അതിന്റെ ഉത്തരവുകള്‍ക്ക് അര്‍ഹമായ പരിഗണന നല്‍കുന്നുണ്ട്.  അന്താരാഷ്ട്ര നിയമത്തോടൊപ്പം ഒരു നഗരം നില്‍ക്കുകയെന്നത് തന്റെ ആഗ്രഹമാണെന്നും അദ്ദേഹം കൂട്ടിച്ചേര്‍ത്തു. 

ALSO READ: ​ഗസ്സയിലേക്കുള്ള മാനുഷിക ദൗത്യവുമായി യുഎഇ കപ്പൽ; 7,200 ടൺ സഹായവുമായി 'ഗസ്സ നമ്പർ 10' ഈജിപ്തിലേക്ക്

എന്നാല്‍ മേയറായാലും മംദാനിക്ക് അത്ര പെട്ടെന്ന് നെതന്യാഹുവിനെ അറസ്റ്റ് ചെയ്യാനാവില്ലെന്നാണ് വിദഗ്ധര്‍ ചൂണ്ടിക്കാട്ടുന്നത്. അത് ഫെഡറല്‍ നിയമങ്ങളുടെ ലംഘനമാവുമെന്നും അവര്‍ വിശദീകരിക്കുന്നു.

noted scholar mahmood mamdani has once again stated that israel’s actions in gaza constitute genocide. he reiterated his position during a recent public discussion, drawing international attention.