കുവൈത്ത് സിറ്റി: കുവൈത്തിലെ അൽ-അയൂൺ ജില്ലയിലെ ഒരു ക്ലിനിക്കിന്റെ പാർക്കിംഗ് ഏരിയയിൽ മൃതദേഹം കണ്ടെത്തിയെന്ന റിപ്പോർട്ട് വ്യാജമാണെന്ന് തെളിഞ്ഞതിനെ തുടർന്ന്, വ്യാജ വാർത്ത സംബന്ധിച്ച് പൊലിസ് വിപുലമായ അന്വേഷണം ആരംഭിച്ചു. പൊലിസിന്റെ നിർണ്ണായക സമയം പാഴാക്കിയ തമാശയെ ഗൗരവമായാണ് അധികൃതർ കാണുന്നത്.

അൽ-അയൂൺ ക്ലിനിക്കിന്റെ ബേസ്‌മെന്റ് പാർക്കിംഗ് സ്ഥലത്ത് ഒരു മൃതദേഹം ഉണ്ടെന്ന് അറിയിച്ചുകൊണ്ട് അധികൃതർക്ക് അടിയന്തര കോൾ ലഭിച്ചിരുന്നു. വിവരമനുസരിച്ച് പട്രോൾ യൂണിറ്റുകളും ഫോറൻസിക് സംഘവും ഉടൻ തന്നെ സ്ഥലത്തെത്തി പരിശോധന ആരംഭിച്ചിരുന്നു.

എന്നാൽ, ഫോറൻസിക് വിദഗ്ധർ നടത്തിയ പരിശോധനയിൽ കണ്ടെത്തിയത്, അതൊരു യഥാർത്ഥ മൃതദേഹമല്ല എന്നതാണ്. വിവിധതരം പേപ്പറുകളും പ്ലാസ്റ്റിക് വസ്തുക്കളും ഉപയോഗിച്ച് നിർമ്മിച്ച, ചുവന്ന പെയിന്റ് പൂശിയ ഡെഡ് ബോഡിയുടെ ഒരു മോഡൽ ആയിരുന്നു അത്. മരിച്ച വ്യക്തിയെപ്പോലെ തോന്നിക്കുന്ന തരത്തിൽ ഇത് തുണി സഞ്ചിയിൽ പൊതിഞ്ഞ നിലയിലായിരുന്നു.

ALSO READ: തട്ടിക്കൊണ്ടുപോയ കുവൈത്ത് പൗരനെ മോചിപ്പിച്ച് ലെബനൻ സൈന്യം‌; മൂന്ന് പേർ അറസ്റ്റിൽ

ഈ റിപ്പോർട്ട് മനഃപൂർവ്വം വ്യാജമാണെന്ന് സ്ഥിരീകരിച്ചതിനെത്തുടർന്ന്, വ്യാജ മൃതദേഹം നിർമ്മിച്ച വ്യക്തിയെയും തെറ്റിദ്ധരിപ്പിക്കുന്ന ഫോൺ കോൾ നൽകിയ വ്യക്തിയെയും കണ്ടെത്താൻ ഔദ്യോഗിക അന്വേഷണം ആരംഭിച്ചിട്ടുണ്ട്. സ്ഥലത്തുനിന്നും മോഡലിൽ നിന്നും ശേഖരിച്ച വിരലടയാളങ്ങൾ നിലവിൽ പൊലിസ് പരിശോധിച്ചു വരികയാണ്.

തെറ്റായ റിപ്പോർട്ടുകൾ സമർപ്പിക്കുന്നത് നിർണ്ണായകമായ വിഭവങ്ങൾ പാഴാക്കുമെന്നും അടിയന്തര പ്രവർത്തനങ്ങളെ തടസ്സപ്പെടുത്തുമെന്നും അധികൃതർ മുന്നറിയിപ്പ് നൽകി. നിയമലംഘനം നടത്തിയ ആരും നിയമത്തിന് അതീതരല്ലെന്നും അവർ ആവർത്തിച്ചു വ്യക്തമാക്കി.

in a shocking prank, individuals created a fake body to mislead the police. authorities have clarified that those involved in the stunt will face strict action and will not be let off lightly.