മോസ്‌കോ: റഷ്യയിലെ ഉഫയില്‍ 19 ദിവസം മുന്‍പ് കാണാതായ ഇന്ത്യന്‍ വിദ്യാര്‍ഥിയുടെ മൃതദേഹം അണക്കെട്ടില്‍. രാജസ്ഥാനിലെ അല്‍വാണ്‍ ലക്ഷ്മണ്‍ഗഡിലെ കഫന്‍വാഡ ഗ്രാമത്തില്‍ നിന്നുള്ള അജിത് സിങ് ചൗധരി(22)യാണ് മരണപ്പെട്ടത്. ബഷ്‌കീര്‍ സ്റ്റേറ്റ് സര്‍വകലാശാലയിലെ എം.ബി.ബി.എസ് വിദ്യാര്‍ഥിയായിരുന്നു.

ഇക്കഴിഞ്ഞ ഒക്ടോബര്‍ 19ന് ഉഫയില്‍ നിന്നാണ് അജിത്തിനെ കാണാതായത്. പാല്‍ വാങ്ങാന്‍ പോകുന്നുവെന്ന് പറഞ്ഞ് രാവിലെ 11 മണിയോടെ അജിത്ത് ഹോസ്റ്റിലില്‍ നിന്ന് ഇറങ്ങിയിരുന്നു. പിന്നീട് തിരിച്ചെത്തിയിട്ടില്ലെന്ന് സഹവാസികള്‍ പറഞ്ഞു. 

ALSO READ: കൊന്നിട്ടും അടങ്ങാത്ത ക്രൂരത; ഭക്ഷ്യവസ്തുക്കള്‍ എത്തിക്കുന്നതിലും കരാര്‍ ലംഘിച്ച് ഇസ്‌റാഈല്‍, ഗസ്സയിലെത്തുന്നത് ദിനംപ്രതി 171 ട്രക്കുകള്‍ മാത്രം, അനുവദിക്കേണ്ടത് 600 എണ്ണം 

വൈറ്റ് നദിയോട് ചേര്‍ന്നുള്ള അണക്കെട്ടിലാണ് അജിത് സിങിന്റെ മൃതദേഹം കണ്ടെത്തിയത്. 19 ദിവസങ്ങള്‍ക്ക് മുന്‍പ് അജിതിന്റെ വസ്ത്രങ്ങള്‍, മൊബൈല്‍ഫോണ്‍, ഷൂസ് എന്നിവ നദീതീരത്ത് നിന്ന് കണ്ടെത്തിയതായി മുന്‍ കേന്ദ്രമന്ത്രി ജിതേന്ദ്ര സിങ് ആല്‍വാര്‍ പറഞ്ഞു. അജിത്തിന്റെ സുഹൃത്തുക്കളാണ് മൃതദേഹം തിരിച്ചറിഞ്ഞത്.

English Summary: An Indian student who went missing in Russia has been found dead under mysterious circumstances. Reports say the student had left his hostel to buy milk and did not return. Later, his body was discovered near a dam in Russia. Authorities have initiated an investigation into the incident, as the circumstances surrounding his death remain unclear.