തി​രു​വ​ന​ന്ത​പു​രം: ത​ദ്ദേ​ശ തെ​ര​ഞ്ഞെ​ടു​പ്പിനായി ഹരിത പെരുമാറ്റച്ചട്ടം പുറത്തിറക്കി തെരഞ്ഞെടുപ്പ് കമ്മീഷൻ.  ശു​ചി​ത്വ​മി​ഷ​ൻ എ​ക്സി​ക്യൂ​ട്ടീ​വ് ഡ​യ​റ​ക്ട​റാ​ണ് ഹ​രി​ത പെ​രു​മാ​റ്റ​ച്ച​ട്ടം ന​ട​പ്പി​ലാ​ക്കാ​നു​ള്ള നോ​ഡ​ൽ ഓ​ഫി​സ​ർ. തെരഞ്ഞെടുപ്പ് പ്രചരണത്തിൽ ‌പ്ലാസ്റ്റിക്, പിവിസി, ഫ്ലക്സ് എന്നിവയുടെ ഉപയോ​ഗം പൂർണമായും നിരോ‍ധിച്ചു. റീസെെക്കിൾ ചെയ്യാൻ സാധിക്കുന്ന ഹരിത വസ്തുക്കൾ ഉപയോ​ഗിച്ച് മാത്രമേ കൊടിതോരണങ്ങളും, പ്രചരണ ബോർഡുകളും നിർമിക്കാൻ പാടുള്ളൂ എന്നും സർക്കുലറിൽ നിർദേശമുണ്ട്. 

പ്ര​ചാ​ര​ണ​ങ്ങ​ൾ​ക്കും പ​ര​സ്യ​ങ്ങ​ൾ​ക്കും പ​രി​സ്ഥി​തി സൗ​ഹൃ​ദ വ​സ്തു​ക്ക​ൾ മാ​ത്ര​മേ പാ​ടു​ള്ളു. പോ​ളിം​ഗ് ബൂ​ത്തു​ക​ൾ, വോ​ട്ടെ​ണ്ണ​ൽ കേ​ന്ദ്ര​ങ്ങ​ൾ, പ​രി​ശീ​ല​ന ക്യാ​മ്പു​ക​ൾ എ​ന്നി​വി​ട​ങ്ങ​ളി​ൽ സ്റ്റീ​ൽ, ചി​ല്ല്, സെ​റാ​മി​ക് പാ​ത്ര​ങ്ങ​ൾ മാ​ത്ര​മേ ഭ​ക്ഷ​ണ പാ​നീ​യ വി​ത​ര​ണ​ത്തി​ന് ഉ​പ​യോ​ഗി​ക്കാ​വൂ. വാ​ഴ​യി​ല​യി​ലോ പാ​ത്ര​ങ്ങ​ളി​ലോ ഭ​ക്ഷ​ണ പാ​ഴ്സ​ലു​ക​ൾ ത​യാ​റാ​ക്ക​ണം. ബോ​ർ​ഡു​ക​ൾ, ബാ​ന​റു​ക​ൾ, ഹോ​ൾ​ഡി​ങ്ങു​ക​ൾ തു​ട​ങ്ങി​യ​വ നി​ർ​മി​ക്കു​ന്ന​തി​ന് പേ​പ്പ​ർ, പി.​സി.​ബി സ​ർ​ട്ടി​ഫൈ ചെ​യ്ത 100 ശ​ത​മാ​നം കോ​ട്ട​ൺ, പു​ന:​ചം​ക്ര​മ​ണം ചെ​യ്യാ​വു​ന്ന പോ​ളി​എ​ത്തി​ലി​ൻ പോ​ലു​ള്ള​വ ഉ​പ​യോ​ഗി​ക്കാം. രാ​ഷ്ട്രീ​യ പാ​ർ​ട്ടി ഓ​ഫി​സു​ക​ൾ അ​ല​ങ്ക​രി​ക്കാ​ൻ പ്ര​കൃ​തി സൗ​ഹൃ​ദ വ​സ്തു​ക്ക​ൾ​മാ​ത്രം ഉ​പ​യോ​ഗി​ക്ക​ണം.  പ്ലാ​സ്റ്റി​ക് ബോ​ട്ടി​ലു​ക​ൾ, തെ​ർ​മോ​കോ​ൾ ക​പ്പു​ക​ൾ, പ്ലാ​സ്റ്റി​ക് പാ​ഴ്സ​ലു​ക​ൾ തു​ട​ങ്ങി​യ​വ ഒ​ഴി​വാ​ക്ക​ണമെന്നും തെരഞ്ഞെടുപ്പ് കമ്മീഷൻ നിർദേശിച്ചു. 

ALSO READ: പാർട്ടിയിൽ മെമ്പർഷിപ്പ് പോലുമില്ലാത്ത വ്യക്തികളാണ് സ്ഥാനാർഥികളായി മത്സരിക്കുന്നത്: കൊച്ചി ഡെപ്യൂട്ടി മേയർ സിപിഐ വിടുന്നു 

തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് ശേ​ഷം പ്ര​ചാ​ര​ണ സാ​മ​ഗ്രി​ക​ൾ ശേ​ഖ​രി​ച്ച് ഹ​രി​ത​ക​ർ​മ സേ​ന​ക്ക്​ കൈ​മാ​റ​ണമെന്നും നിർദേശമുണ്ട്.  അ​തി​ന് യൂ​സ​ർ​ഫീ ന​ൽ​ക​ണമെന്നും, അ​ല്ലാ​ത്ത​പ​ക്ഷം ത​ദ്ദേ​ശ സ്ഥാ​പ​ന​ങ്ങ​ൾ അ​ത്​ നീ​ക്കി ചെ​ല​വ് സ്ഥാ​നാ​ർ​ഥി​ക​ളി​ൽ നി​ന്ന്​ ഈ​ടാ​ക്കുമെന്നും സർക്കുലറിൽ വ്യക്തമാക്കി. 

തെരഞ്ഞെടുപ്പിനായി ശു​ചി​ത്വ​മി​ഷ​ൻ ത​യാ​റാ​ക്കി​യ ഹ​രി​ത​ച്ച​ട്ട​പാ​ല​നം സം​ശ​യ​ങ്ങ​ളും മ​റു​പ​ടി​ക​ളും ഹാ​ൻ​ഡ്ബു​ക്ക്​ സം​സ്ഥാ​ന ശുചിത്വ മിഷൻ വെബ്സെെറ്റിൽ ലഭ്യമാണ്. ഹാ​ൻ​ഡ്ബു​ക്ക് ശു​ചി​ത്വ മി​ഷ​ൻ വെ​ബ് സൈ​റ്റി​ൽ (https://www.suchitwamission.org/publication/electionbook) ലഭ്യമാണ്. ഹ​രി​ത​ച്ച​ട്ടം സം​ബ​ന്ധി​ച്ച് ശ്ര​ദ്ധി​ക്കേ​ണ്ട കാ​ര്യ​ങ്ങ​ൾ, സം​ശ​യ​ങ്ങ​ൾ, മ​റു​പ​ടി​ക​ൾ, നി​യ​മ ന​ട​പ​ടി​ക​ൾ, സ​ർ​ക്കു​ല​റു​ക​ൾ, ഉ​ത്ത​ര​വു​ക​ൾ തു​ട​ങ്ങി​യ വി​വ​ര​ങ്ങ​ൾ പു​സ്ത​ക​ത്തി​ലു​ണ്ട്.

kerala Election commission has introduced a green code for local elections, banning the use of plastic, pvc, and flex materials in campaign activities.