തിരുവനന്തപുരം: എട്ട് ഗ്രാം എംഡിഎംഎയുമായി യുവാവ് പിടിയിൽ. ചുള്ളിമാനൂർ സ്വദേശി അഫ്സലിനെയാണ് നെടുമങ്ങാട് എക്സൈസ് സംഘം വീട്ടിൽ നിന്നും പിടികൂടിയത്. വീട്ടിൽ നിന്നാണ് ഇയാളെ പിടികൂടിയത്. രഹസ്യ വിവരം ലഭിച്ചതിന് പിന്നാലെ ഇയാളെ എക്സൈസ് സംഘം നിരീക്ഷിച്ചു വരുകയായിരുന്നു. വീട്ടിൽ റെയ്ഡിനെത്തിയ സംഘത്തെ ഇയാൾ ആക്രമിക്കാൻ ശ്രമിക്കുകയും ചെയ്തു. 

പിന്നീട് മൽപ്പിടുത്തത്തിലൂടെ ഇയാളെ കീഴടക്കുകയായിരുന്നു. ബെംഗളൂരുവിൽ നിന്നാണ് ഇയാൾ എംഡിഎംഎ എത്തിച്ചത്. തിരുവനന്തപുരത്തും സമീപ പ്രദേശങ്ങളിലും ചില്ലറ വില്പന നടത്തുകയായിരുന്നു പതിവ്. എക്സൈസ് റേഞ്ച് ഓഫീസർ പ്രവീണിന്റെ നേതൃത്വത്തിലാണ് ഇയാളെ പിടികൂടിയത്.