ദുബൈ: ദുബൈ എയര്‍ ഷോയ്ക്കിടെ ഇന്ത്യയുടെ തേജസ് യുദ്ധ വിമാനം തകര്‍ന്ന് വീരമൃത്യു വരിച്ച വിങ് കമാന്‍ഡര്‍ നമന്‍ഷ് സ്യാലിന്റെ വിയോഗത്തില്‍ അതിയായ ദുഃഖം രേഖപ്പെടുത്തി എയര്‍ ഷോ സംഘാടക സമിതി.
വിങ് കമാന്‍ഡറിന്റെ വിയോഗത്തില്‍ കുടുംബത്തിന്റെയും സഹപ്രവര്‍ത്തകരുടെയും ദുഃഖത്തില്‍ പങ്കു ചേരുന്നുവെന്നും അനുശോചന സന്ദേശത്തില്‍ മധികൃതര്‍ പറഞ്ഞു.
സംഭവത്തെ തുടര്‍ന്ന് നിര്‍ത്തി വച്ച ഷോ വ്യോമാഭ്യാസത്തോടുള്ള അദ്ദേഹത്തിന്റെ അഭിനിവേശത്തോടുള്ള ആദര സൂചകമായി തുടരാന്‍ തീരുമാനിക്കുകയായിരുന്നു. ഈ വര്‍ഷത്തെ ഷോയുടെ അവിഭാജ്യ ഘടകമായിരുന്നു വിങ് കമാന്‍ഡര്‍. അദ്ദേഹത്തിന്റെ കഴിവും സമര്‍പ്പണവും പ്രശംസയര്‍ഹിക്കുന്നു. അദ്ദേഹത്തോടുള്ള ബഹുമാനാര്‍ഥമാണ് ശനിയാഴ്ചയും പ്രദര്‍ശനം തുടര്‍ന്നതെന്നും സംഘാടക സമിതി പ്രസ്താവനയില്‍ പറഞ്ഞു.

നമന്‍ഷിന്റെ മൃതദേഹം കഴിഞ്ഞദിവസം ജന്മനാടായ ഹിമാചല്‍ പ്രദേശിലെ കാംഗ്ര ജില്ലയിലെ നഗ്രോട്ടയില്‍ സംസ്‌കരിച്ചിരുന്നു. ഇദ്ദേഹത്തിന്റെ ഭാര്യ അഷ്ഫാന അക്തറും ഇന്ത്യന്‍ വ്യോമസേന ഉദ്യോഗസ്ഥയാണ്. ഇവര്‍ക്ക് ആറ് വയസുള്ള ഒരു മകളുണ്ട്. 

ALSO READ: മലയാളി യുവാവ് സൗദിയിലെ ആറുനില കെട്ടിടത്തില്‍നിന്നു വീണ് മരിച്ചനിലയില്‍; നാട്ടില്‍പ്പോയിട്ട് നാല് വര്‍ഷം

Summary: Dubai Air Show Organizing Committee condoles the passing of Wing Commander Namansh Syal