അർജന്റൈൻ ഇതിഹാസം ലയണൽ മെസി അടുത്ത മാസം ഇന്ത്യയിലെത്തും. മൂന്ന് ദിവസമാണ് മെസി ഇന്ത്യയിൽ തുടരുക. ഇന്ത്യയിലെ നാല് പ്രധാന നഗരങ്ങളിലാണ് മെസി സന്ദർശനം നടത്തുക. കൊൽക്കത്ത, മുംബൈ, ഡൽഹി, ഹൈദരാബാദ് എന്നീ നഗരങ്ങളിലാണ് മെസി സന്ദർശനം നടത്തുക. ഡിസംബർ 13ന് രാവിലെ കൊൽക്കത്തയിലാണ് ഗോട്ട് ടൂർ ആരംഭിക്കുന്നത്. അന്നേദിവസം തന്നെ രണ്ടാം പാദ പരിപാടികൾ വൈകുന്നേരം ഹൈദരാബാദിലും നടക്കും. ഡിസംബർ 14ന് മുംബൈയിലും ഡിസംബർ 15ന് ഡൽഹിയിലും മെസി സന്ദർശനം നടത്തും. 

 

ഇക്കാര്യം തന്റെ ഇൻസ്റ്റാഗ്രാം പോസ്റ്റിലൂടെയാണ് മെസി പുറത്തുവിട്ടത്. 

 

''ഇന്ത്യയിൽ നിന്നുള്ള എല്ലാ സ്നേഹത്തിനും നന്ദി! 'GOAT' ടൂർ ഏതാനും ആഴ്ചക്കുളിൽ ആരംഭിക്കും. കൊൽക്കത്ത, ഡൽഹി, മുംബൈ എന്നിവിടങ്ങളിലേക്കുള്ള എന്റെ സന്ദർശനത്തിൽ ഹൈദരാബാദും ചേർത്തിട്ടുണ്ടെന്ന് പങ്കുവെക്കുന്നതിൽ എനിക്ക് സന്തോഷമുണ്ട്. ഉടനെ തന്നെ ഇന്ത്യയിൽ കാണാം'' മെസി സോഷ്യൽ മീഡിയയിൽ കുറിച്ചു. 

 

മുംബൈ വാംഖഡെ സ്റ്റേഡിയത്തിൽ നടക്കുന്ന ക്രിക്കറ്റ് മത്സരത്തിൽ മെസി പങ്കെടുക്കാൻ സാധ്യതയുണ്ടെന്നും റിപ്പോർട്ടുകളുണ്ട്. സച്ചിൻ ടെണ്ടുൽക്കർ, രോഹിത് ശർമ, വിരാട് കോഹ്‌ലി, എംഎസ് ധോണി തുടങ്ങിയ ഇതിഹാസ താരങ്ങൾ ഈ മത്സരത്തിൽ പങ്കെടുക്കുമെന്നാണ് പ്രതീക്ഷിക്കുന്നത്. ഏഴ് താരങ്ങൾ പങ്കെടുക്കുന്ന മത്സരമായിരിക്കും ഇതെന്ന് റിപ്പോർട്ട് സൂചിപ്പിക്കുന്നു.  

 

മെസി ഇതാദ്യമായല്ല ഇന്ത്യയിലേക്ക് സന്ദർശനം നടത്തുന്നത്. 2011ൽ അർജന്റീന ദേശീയ ടീമും മെസിയും ഇന്ത്യയിലേക്ക് ഫുട്ബോൾ കളിക്കാൻ എത്തിയിരുന്നു. കൊൽക്കത്തയിലെ സാൾട്ട ലേക്ക് സ്റ്റേഡിയത്തിൽ വെനസ്വേലക്കെതിരെ സൗഹൃദ മത്സരവും അന്ന് അർജന്റീന കളിച്ചിരുന്നു. നീണ്ട 14 വർഷങ്ങൾക്ക് ശേഷം മെസി വീണ്ടും ഇന്ത്യൻ മണ്ണിലെത്തുമ്പോൾ ഇന്ത്യൻ ഫുട്ബോൾ ആരാധകർ ആവേശത്തിലാവുമെന്നുറപ്പാണ്. 

 

Argentine legend Lionel Messi will be visiting India next month. Messi will be in India for three days. Messi will visit four major cities in India. Messi will visit Kolkata, Mumbai, Delhi and Hyderabad.