ചെന്നൈ: തമിഴ്‌നാട്ടിലെ ശിവഗംഗ ജില്ലയിലെ കാരക്കുടിയിൽ സർക്കാർ ബസ്സുകൾ കൂട്ടിയിടിച്ചുണ്ടായ അപകടത്തിൽ 11 പേർ മരിച്ചു. 40-ൽ അധികം ആളുകൾക്ക് പരുക്കേറ്റിട്ടുണ്ട്. മരിച്ചവരെല്ലാം ഇരു ബസ്സുകളിലെ യാത്രക്കാരാണെന്നാണ് റിപ്പോർട്ട്.  തിരുപ്പത്തൂരിന് സമീപം കുംബങ്കുടിയിൽ വെച്ചാണ് അപകടം നടന്നത്.

ALSO READ: അതിജീവിതയെ അപമാനിച്ചെന്ന് പരാതി; രാഹുൽ ഈശ്വർ പൊലിസ് കസ്റ്റഡിയിൽ

ഇന്ന് രാവിലെയാണ് അപകടം നടന്നത്. അപകടത്തിൽ ഒരു ബസ്സിന്റെ മുൻഭാഗം പൂർണ്ണമായും തകർന്നിട്ടുണ്ട്. ഇടിയുടെ ആഘാതം വളരെ വലുതായിരുന്നു. അപകടവിവരം അറിഞ്ഞ ഉടൻ തന്നെ ആംബുലൻസുകൾ ഉൾപ്പെടെയുള്ള രക്ഷാപ്രവർത്തക സംഘം സ്ഥലത്തെത്തി പരുക്കേറ്റവരെ വിവിധ ആശുപത്രികളിലേക്ക് മാറ്റി.

ALSO READ: പെൺകുട്ടി രക്ഷക്കായി നിലവിളിച്ചില്ല, പിടിവലിയുടെ അടയാളങ്ങളോ പരുക്കുകളോ ഇല്ല; രാജ്യത്ത് കോളിളക്കം സൃഷ്ടിച്ച 'മഥുര' ഇന്ന് പട്ടിണിയിൽ

പരുക്കേറ്റ പലരുടെയും നില ഗുരുതരമായതിനാൽ മരണസംഖ്യ ഇനിയും ഉയരാൻ സാധ്യതയുണ്ടെന്നാണ് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. ബസ്സുകളുടെ അമിതവേഗമാണ് അപകടത്തിന് കാരണമെന്നാണ് പ്രാഥമിക നിഗമനം.

കഴിഞ്ഞ തൊട്ടടുത്ത ദിവസങ്ങളിലായി തമിഴ്‌നാട്ടിൽ നടക്കുന്ന രണ്ടാമത്തെ വലിയ വാഹനാപകടമാണിത്. ഇന്ന് രാവിലെ തെങ്കാശിയിൽ ഉണ്ടായ അപകടത്തിൽ മൂന്നുപേർ മരിച്ചിരുന്നു. കഴിഞ്ഞ ദിവസവും ബസ്സുകൾ തമ്മിൽ കൂട്ടിയിടിച്ച് എട്ടുപേർക്ക് ജീവൻ നഷ്ടപ്പെട്ടിരുന്നു.

A major accident occurred in Tamil Nadu when two government buses collided, resulting in 11 deaths and over 40 injuries.