ടെല്‍ അവീവ്: ഗസ്സയില്‍ ഇസ്‌റാഈല്‍ നടത്തുന്ന വംശഹത്യാ ആക്രമണങ്ങള്‍ ഇസ്‌റാഈല്‍ സൈനികരിലും കനത്ത ആഘാതങ്ങളുണ്ടാക്കിയതായി റിപ്പോര്‍ട്ട്. രണ്ടു വര്‍ഷം മുമ്പ് ഗസ്സയില്‍ ആക്രമണം ആരംഭിച്ചതിനുശേഷം മാനസിക വൈകല്യങ്ങള്‍ക്ക് ചികിത്സ തേടുന്ന സൈനികരുടെ എണ്ണം കുത്തനെ വര്‍ധിച്ചതായി ഇസ്‌റാഈലി  പ്രതിരോധ മന്ത്രാലയ ഉദ്യോഗസ്ഥന്‍ തന്നെയാണ് പുറത്തുവിട്ടത്. 

2023 ഒക്ടോബര്‍ ഏഴിന് വൈകുന്നേരം മന്ത്രാലയം ഏകദേശം 62,000 മാനസിക കേസുകള്‍ കൈകാര്യം ചെയ്തതായാണ് ഇയാള്‍ പറയുന്നത്. ഈ കണക്ക് ഏകദേശം 85,000 ആയി ഉയര്‍ന്നതായും മന്ത്രാലയത്തിന്റെ പുനരധിവാസ വകുപ്പിന്റെ ഡെപ്യൂട്ടി മേധാവി തമര്‍ ഷിമോണി ആര്‍മി റേഡിയോയോട് പറഞ്ഞു - ഇത് 'അഭൂതപൂര്‍വമായ' വര്‍ദ്ധനവാണെന്നും അവര്‍ ചൂണ്ടിക്കാട്ടി. ഒക്ടോബര്‍ 7 ലെ സംഭവങ്ങളുമായി ബന്ധപ്പെട്ട മാനസിക പ്രശ്‌നങ്ങള്‍ ഇസ്‌റാഈലി സൈനികരില്‍ മൂന്നിലൊന്ന് പേരും നേരിടുന്നുണ്ടെന്നാണ് അവര്‍ പറയുന്നത്. 

ALSO READ: ഫലസ്തീന്‍ രാജ്യം സ്ഥാപിക്കണമെന്ന് ജര്‍മനി; പറ്റില്ലെന്ന് നെതന്യാഹു

ഒരു തെറാപ്പിസ്റ്റ് ഇപ്പോള്‍ 750 രോഗികളെ വരെ കൈകാര്യം ചെയ്യേണ്ടി വരുന്ന അവസ്ഥയാണ് നിലവില്‍.  ചില പ്രദേശങ്ങളില്‍ അതിലും കൂടുതലാണെന്നും ഷാമോണി ചൂണ്ടിക്കാട്ടുന്നു. ഇത് പരിചരണം ആവശ്യമുള്ള എല്ലാവരെയും വേഗത്തില്‍ ബന്ധപ്പെടുന്നതിന് പ്രയാസം സൃഷ്ടിക്കുന്നുവെന്നും അവര്‍ ചൂണ്ടിക്കാട്ടി.

ഇസ്‌റാഈലില്‍ വ്യാപകമായ മാനസിക പ്രതിസന്ധിയുണ്ടെന്ന് കഴിഞ്ഞ നവംബറില്‍, 'യെദിയോത്ത് അഹ്റോനോത്ത്' എന്ന പത്രം റിപ്പോര്‍ട്ട് ചെയ്തിരുന്നു. വര്‍ധിച്ചുവരുന്ന മയക്കുമരുന്ന് ആസക്തിയും അവര്‍ എടുത്തു പറയുന്നു. സൈനികര്‍ ഉള്‍പ്പടെ 20 ലക്ഷത്തോളം ആളുകള്‍ക്ക് മാനസികാരോഗ്യ സഹായം ആവശ്യമാണെന്നും അവര്‍ ചൂണ്ടിക്കാട്ടി.

ALSO READ: ​ഗസ്സയിലെ കുരുതിയിൽ പങ്കാളികളായ ഇസ്റാഈലി സൈനികരുടെ മാനസികാരോ​ഗ്യം തകരുന്നതായി റിപ്പോർട്ട്; ദിവസങ്ങൾക്കിടെ ജീവനൊടുക്കിയത് രണ്ട് സൈനികർ

സൈന്യത്തിനുള്ളില്‍ ആത്മഹത്യകള്‍ വര്‍ധിച്ചതായി നിരവധി ഇസ്‌റാഈല്‍ മാധ്യമങ്ങളും റിപ്പോര്‍ട്ട് ചെയ്യുന്നുണ്ട്. യുദ്ധാനന്തര സമ്മര്‍ദം അനുഭവിച്ച ഒരു സൈനികനും ജിവതി ബ്രിഗേഡിലെ ഒരു റിസര്‍വ് ഓഫിസറും മാനസിക സംഘര്‍ഷത്തെ തുടര്‍ന്ന് ആത്മഹത്യ ചെയ്തതായി മാരിവ് പത്രം കഴിഞ്ഞ ദിവസം റിപ്പോര്‍ട്ട് ചെയ്തിരുന്നു.

18 മാസത്തിനിടെ സൈന്യം 279 ആത്മഹത്യാ ശ്രമങ്ങള്‍ രേഖപ്പെടുത്തിയിട്ടുണ്ടെന്നാണ് ഒക്ടോബറില്‍ പ്രസിദ്ധീകരിച്ച ഇസ്‌റാഈലി സൈനിക ഡാറ്റയില്‍ വ്യക്തമാക്കുന്നത്. ഇതില്‍ 36 പേര്‍ മരണപ്പെട്ടതായും റിപ്പോര്‍ട്ടുകള്‍ വിശദീകരിക്കുന്നു. 

2023 ഒക്ടോബര്‍ മുതല്‍ ഗസ്സയില്‍ ഇസ്‌റാഈല്‍ നടത്തുന്ന വംശഹത്യാ നരവേട്ടയില്‍ 70,000-ത്തിലധികം ആളുകളെയാണ് കൊന്നൊടുക്കിയത്. അവരില്‍ ഭൂരിഭാഗവും സ്ത്രീകളും കുട്ടികളുമാണ്.  171,000-ത്തിലധികം പേര്‍ക്കാണ് ആക്രമണങ്ങളില്‍ പരുക്കേറ്റിട്ടുള്ളത്. 

reports indicate that the ongoing attacks in gaza have also severely affected israeli soldiers, with nearly one lakh seeking treatment for various psychological disorders. the prolonged conflict and intense operations have contributed to rising mental health challenges within the military.