ഷാർജ: അനുമതിയില്ലാതെ ഷാർജയിലെ മ്ലീഹ നാഷണൽ പാർക്കിൽ പ്രവേശിക്കുന്ന വാഹനങ്ങൾക്ക് കനത്ത പിഴയും കർശന നിയമനടപടികളും ഏർപ്പെടുത്തുമെന്ന് അധികൃതർ. ഷാർജ ഇൻവെസ്റ്റ്‌മെന്റ് ആൻഡ് ഡെവലപ്‌മെന്റ് അതോറിറ്റി (ഷുറൂഖ്) ആണ് ഇത് സംബന്ധിച്ച നിർദ്ദേശം പുറപ്പെടുവിച്ചത്.

അമീരി ഉത്തരവിലൂടെ സ്ഥാപിതമായ ഈ സംരക്ഷിത പ്രദേശം പുരാവസ്തു, സാംസ്കാരിക, പാരിസ്ഥിതിക മൂല്യങ്ങളാൽ സമ്പന്നമാണ്.

ഏതെങ്കിലും തരത്തിലുള്ള വാഹനങ്ങൾ അനുമതിയില്ലാതെ പ്രവേശിക്കുന്നത് നിയമലംഘനമായി കണക്കാക്കും. വൻതുക പിഴയായി ഈടാക്കുന്നതിനൊപ്പം മറ്റ് നിയമനടപടികളും ലംഘകർ നേരിടേണ്ടി വരും. 2025-ൽ യുനെസ്കോയുടെ ലോക പൈതൃക പട്ടികയിൽ ഇടം നേടിയ അൽ ഫയ സൈറ്റിന്റെ ഭാഗമാണ് ഈ പാർക്ക്.

ഇവിടുത്തെ പുരാവസ്തു അവശിഷ്ടങ്ങൾക്കും ഭൂപ്രകൃതിക്കും നാശനഷ്ടങ്ങൾ സംഭവിക്കുന്നത് തടയാനാണ് കർശന നിയന്ത്രണം ഏർപ്പെടുത്തിയിരിക്കുന്നത്.

ALSO READ: ഉക്രെയ്ൻ പ്രതിസന്ധിയിൽ നിർണ്ണായക ചുവടുവയ്പ്പുമായി യുഎഇ; അബുദബിയിലെ ത്രികക്ഷി ചർച്ച സമാപിച്ചു 

മ്ലീഹ പുരാവസ്തു കേന്ദ്രത്തിന്റെ മേൽനോട്ടത്തിലുള്ള അംഗീകൃത പ്രവർത്തനങ്ങൾക്കായി മാത്രമേ പൊതുജനങ്ങൾക്ക് പ്രവേശനം അനുവദിക്കൂ. സന്ദർശനം ആഗ്രഹിക്കുന്നവർ കേന്ദ്രം വഴി മുൻകൂട്ടി ബുക്ക് ചെയ്യുകയും നിശ്ചയിച്ചിട്ടുള്ള റൂട്ടുകളിലൂടെ മാത്രം യാത്ര ചെയ്യുകയും വേണം. സൈറ്റിന്റെ സുരക്ഷ ഉറപ്പാക്കാൻ സന്ദർശകർ മാർഗ്ഗനിർദ്ദേശങ്ങൾ കർശനമായി പാലിക്കണമെന്നും ഷുറൂഖ് വ്യക്തമാക്കി.

ആയിരക്കണക്കിന് വർഷങ്ങളുടെ മനുഷ്യചരിത്രം ഉറങ്ങിക്കിടക്കുന്ന ഇടമാണ് മ്ലീഹ നാഷണൽ പാർക്ക്. ഷാർജ ഇൻവെസ്റ്റ്‌മെന്റ് ആൻഡ് ഡെവലപ്‌മെന്റ് അതോറിറ്റിയുടെ (ഷുറൂഖ്) കീഴിലുള്ള സംരക്ഷിത പ്രദേശമാണിത്. കേവലം ഒരു മരുഭൂമി എന്നതിലുപരി ലോകോത്തര പൈതൃക കേന്ദ്രം കൂടിയാണിവിടം.

ശിലായുഗം മുതൽ ഇസ്ലാമിക കാലഘട്ടം വരെയുള്ള വിവിധ ഘട്ടങ്ങളിലെ പുരാവസ്തു അവശിഷ്ടങ്ങൾ ഇവിടെ കണ്ടെത്തിയിട്ടുണ്ട്. 2025-ൽ യുനെസ്കോ ലോക പൈതൃക പട്ടികയിൽ ഉൾപ്പെടുത്തിയതോടെ ഈ പ്രദേശത്തിന്റെ ആഗോള പ്രാധാന്യം വർദ്ധിച്ചിരുന്നു.

പ്രകൃതിയും വിനോദവും ചുവന്ന മണൽക്കുന്നുകളും ഫോസിൽ പാറകളും നിറഞ്ഞ ഇവിടുത്തെ ഭൂപ്രകൃതി ഏതൊരു സഞ്ചാരിയെയും ആകർഷിക്കുന്നതാണ്. സാഹസികത ഇഷ്ടപ്പെടുന്നവർക്കായി മ്ലീഹ ആർക്കിയോളജിക്കൽ സെന്ററിന്റെ നേതൃത്വത്തിൽ പ്രത്യേക ഡെസേർട്ട് സഫാരികൾ, ഹൈക്കിംഗ്, സ്റ്റാർഗേസിംഗ് (നക്ഷത്ര നിരീക്ഷണം) എന്നിവ ഒരുക്കിയിട്ടുണ്ട്. 

uae introduces stricter rules for restricted locations. visitors entering without prior permission will face fines. authorities urge residents and tourists to check updated regulations before traveling.