തൃശൂര്‍: പലിശക്കാരുടെ ഭീഷണിയെ തുടര്‍ന്ന് വീട്ടമ്മ ജീവനൊടുക്കിയതായി പരാതി. ഗുരുവായൂര്‍ ഇരങ്ങിപ്പുറം പുതുവീട്ടില്‍ ജുമൈല(50) യാണ് മരിച്ചത്. പലിശ കുടിശ്ശികയെ തുടര്‍ന്ന് പലിശക്കാരി ഭീഷണിപ്പെടുത്തിയെന്നാണ് ആത്മഹത്യാകുറിപ്പില്‍ ആരോപിക്കുന്നത്. 

വ്യാഴാഴ്ച്ച പുലര്‍ച്ചെയാണ് ജുമൈലയെ വീട്ടിലെ പറമ്പില്‍ മരിച്ച നിലയില്‍ കണ്ടെത്തിയത്. ശരീരമാസകലം തീപൊള്ളലേറ്റ നിലയിലായിരുന്നു മൃതദേഹം. 

ALSO READ: വട്ടിയൂര്‍ക്കാവ് ഉറപ്പിച്ച് കെ. മുരളീധരന്‍; ഒടുവില്‍ തീരുമാനം, നിലപാട് നേതൃത്വത്തെ അറിയിച്ചു

ഒരു വര്‍ഷം മുന്‍പാണ് നാട്ടുകാരിയായ സ്ത്രീയില്‍ നിന്നും ജുമൈല അമ്പതിനായിരം രൂപ പലിശയ്ക്ക് വാങ്ങിയത്. മാസം പതിനായിരം വച്ച് എട്ടുമാസത്തോളം മടക്കി നല്‍കി. രണ്ട് മാസമായി പണം നല്‍കാന്‍ സാധിച്ചില്ല. ഇതേതുടര്‍ന്ന് പലിശക്കാരി ഭീഷണിപ്പെടുത്തിയതായാണ് ആത്മഹത്യാകുറിപ്പില്‍ പറയുന്നത്. 

സംഭവത്തില്‍ കുടുംബത്തിന്റെ പരാതിയില്‍ അസ്വാഭാവിക മരണത്തിന് പൊലിസ് കേസെടുത്തു.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)

A 50-year-old woman, identified as Jumaima, was found dead with severe burn injuries at her residence in Irangippuram, Guruvayur, in Thrissur district. The family has alleged that persistent threats from a moneylender over unpaid loan instalments led to her death.