കൊല്ലം: ചരിത്രപ്രസിദ്ധമായ ശ്രീനാരായണഗുരു - മഹാത്മാഗാന്ധി കൂടിക്കാഴ്ചയുടെ ശതാബ്ദി ആഘോഷങ്ങള്‍ക്ക് ഇന്ന് കൊല്ലം ആശ്രാമം മൈതാനിയില്‍ സമാപനമാകും. രാവിലെ നടക്കുന്ന ചടങ്ങില്‍ കോണ്‍ഗ്രസ് നേതാവ് രാഹുല്‍ ഗാന്ധി സമാപന സമ്മേളനം ഉദ്ഘാടനം ചെയ്യുമെന്ന് യുഡിഎഫ് കണ്‍വീനര്‍ അടൂര്‍ പ്രകാശ് അറിയിച്ചു.
രാവിലെ 9.30: മഹാ ഗുരുപൂജയോടെ ചടങ്ങുകള്‍ക്ക് തുടക്കമാകും. 10.മണിക്ക് യതിപൂജയും ഗുരുവന്ദനവും നടക്കും. രാജ്യത്തിന്റെ വിവിധ ഭാഗങ്ങളില്‍ നിന്നുള്ള 50 സന്യാസിവര്യന്മാരെയും 25 വീതം ക്രൈസ്തവ-മുസ്്‌ലിം മതപണ്ഡിതന്മാരെയും ചടങ്ങില്‍ ആദരിക്കും.

10.30ന് സര്‍വമത സമ്മേളനം. ശ്രീനാരായണ ധര്‍മ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ സമ്മേളനത്തില്‍ സന്ദേശം നല്‍കും. സമാപന സമ്മേളനത്തില്‍ തെലങ്കാന മുഖ്യമന്ത്രി രേവന്ത് റെഡി, എഐസിസി ജനറല്‍ സെക്രട്ടറി കെ.സി വേണുഗോപാല്‍, പാണക്കാട് സാദിക്കലി ശിഹാബ് തങ്ങള്‍ തുടങ്ങി രാഷ്ട്രീയ, സാമൂഹിക മത രംഗത്തെ പ്രമുഖര്‍ പങ്കെടുക്കും. ആഘോഷങ്ങളുടെ ഭാഗമായി സംസ്ഥാനത്തിന്റെ വിവിധ ഭാഗങ്ങളില്‍ നിന്നാരംഭിച്ച ഘോഷയാത്രകള്‍ ഇന്നലെ വൈകുന്നേരത്തോടെ ആശ്രാമം മൈതാനിയില്‍ എത്തിച്ചേര്‍ന്നു.

Rahul Gandhi will inaugurate the concluding ceremony of the centenary celebrations marking the historic meeting between Sri Narayana Guru and Mahatma Gandhi today at Ashramam Ground in Kollam.