ന്യൂഡല്‍ഹി: രാഷ്ട്രപതി ദ്രൗപതി മുര്‍മുവിന്റെ പശ്ചിമബംഗാള്‍ സന്ദര്‍ശനത്തിനിടെയുണ്ടായ സുരക്ഷ-പ്രോട്ടോകോള്‍ വീഴ്ച്ചകളില്‍ വിവാദം പുകയുന്നു. വിഷയത്തില്‍ ഞായറാഴ്ച്ച അഞ്ച് മണിക്കകം വിശദമായ റിപ്പോര്‍ട്ട് സമര്‍പ്പിക്കാന്‍ പശ്ചിമബംഗാള്‍ ചീഫ് സെക്രട്ടറിയോട് കേന്ദ്ര ആഭ്യന്തരമന്ത്രി ആവശ്യപ്പെട്ടതായി റിപ്പോര്‍ട്ട്.

ബ്ലൂ ബുക്കിലെ നിര്‍ദേശങ്ങളുടെ ലംഘനമുണ്ടായിട്ടുണ്ടോയെന്ന് വിശദീകരിക്കാന്‍ ബംഗാള്‍ ചീഫ് സെക്രട്ടറിക്ക് ആഭ്യന്തര സെക്രട്ടറി അയച്ച കത്തില്‍ പറയുന്നു. രാഷ്ട്രപതിയെ സ്വീകരിക്കാന്‍ മുഖ്യമന്ത്രി മമതാ ബാനര്‍ജിയടക്കമുള്ള പ്രമുഖര്‍ എത്തിയിരുന്നില്ല,  രാഷ്ട്രപതിക്ക് വേണ്ടി സജ്ജമാക്കിയിരുന്ന ശുചിമുറിയില്‍ വെള്ളമുണ്ടായിരുന്നില്ലെന്നും കൂടാതെ രാഷ്ട്രപതി കടന്നുപോയ വഴി നീളെ മാലിന്യം തള്ളിയെന്നുമുള്ള ആരോപണത്തിനും വിശദീകരണം തേടിയിരുന്നു. 

ALSO READ: ഹോളി ഘോഷയാത്രയില്‍ ഇസ്‌റാഈല്‍ പതാകകള്‍, നെതന്യാഹുവിന്റേയും മോദിയുടേയും ചിത്രം പതിച്ച പോസ്റ്ററുകള്‍

അന്താരാഷ്ട്ര സാന്താള്‍ കോണ്‍ഫറന്‍സില്‍ പങ്കെടുക്കാന്‍ രാഷ്ട്രപതി പശ്ചിമബംഗാളിലെത്തിയപ്പോഴാണ് പരിപാടിയുടെ വേദിമാറ്റം ഉള്‍പ്പെടെ സുരക്ഷാ-പ്രോട്ടോക്കോള്‍ വീഴ്ചകളുണ്ടായത്.

The Government of India has sought an explanation from the West Bengal government over alleged lapses during the visit of Droupadi Murmu. Reports claimed that the restroom arranged for the President lacked water and that garbage was scattered along the streets during the visit.