ആലപ്പുഴ: ഫോൺ സന്ദേശത്തെച്ചൊല്ലിയുണ്ടായ തർക്കത്തിനൊടുവിൽ യുവാവിന് നേരെ ക്രൂരമായ ആക്രമണം. ആലപ്പുഴ കൊമ്മാടി മംഗലം റോഡിന് സമീപം ഇന്നലെ ഉച്ചയോടെയാണ് നാടിനെ നടുക്കിയ സംഭവം നടന്നത്. ചക്കുപറമ്പ് സ്വദേശിയായ ഷിബിൻ രാജിനാണ് (28) അയൽവാസിയുടെ മർദ്ദനമേറ്റത്. ആക്രമണത്തിന് ശേഷം ഒളിവിൽ പോയ പ്രതി ജിബിൻ ജോൺസണായി പൊലിസ് തിരച്ചിൽ ശക്തമാക്കി.

ALSO READ: മൂന്ന് വട്ടം വിഷം നൽകി, മരിക്കാത്തപ്പോൾ ക്വട്ടേഷൻ; ഭാര്യയെ കാറിടിപ്പിച്ചു കൊലപ്പെടുത്തിയ കേസിൽ ഭർത്താവടക്കം മൂന്ന് പേർ പിടിയിൽ

കഴിഞ്ഞ ഞായറാഴ്ച പ്രതിയായ ജിബിന്റെ ഭാര്യയുടെ ഫോണിലേക്ക് ഷിബിൻ രാജ് ഒരു സന്ദേശം അയച്ചിരുന്നു. ഇതിനെച്ചൊല്ലി ഇരുവരും തമ്മിൽ വാക്കേറ്റവും തർക്കവും നിലനിന്നിരുന്നു. ഇതിന്റെ തുടർച്ചയായാണ് ഇന്നലെ ഉച്ചയോടെ ജിബിൻ ഷിബിനെ തടഞ്ഞുനിർത്തി ചുറ്റിക കൊണ്ട് തലയ്ക്കടിച്ചത്. ആക്രമണത്തിൽ തലയോട്ടിക്ക് ഗുരുതരമായി പരുക്കേറ്റ ഷിബിനെ ഉടൻ തന്നെ ആശുപത്രിയിൽ പ്രവേശിപ്പിച്ചു. നിലവിൽ ഇദ്ദേഹത്തിന്റെ ആരോഗ്യനില അതീവ സങ്കീർണ്ണമായി തുടരുകയാണ്.

പരുക്കേറ്റ ഷിബിൻ രാജിന്റെ ഭാര്യ നൽകിയ പരാതിയുടെ അടിസ്ഥാനത്തിൽ ആലപ്പുഴ നോർത്ത് പൊലിസ് വധശ്രമത്തിന് കേസെടുത്തത്. പ്രതിക്കായി തമിഴ്‌നാട് അതിർത്തികളിലടക്കം അന്വേഷണം വ്യാപിപ്പിച്ചിട്ടുണ്ടെന്നും ഉടൻ തന്നെ പിടിയിലാകുമെന്നും പോലീസ് അറിയിച്ചു.

A 28-year-old man, Shibin Raj, was brutally attacked with a hammer by his neighbor, Jibin Johnson, near Mangalam Road in Alappuzha.