റിയാദ്: സഊദി അറേബ്യയിലെ റിയാദില്‍ പ്രവാസി മലയാളി ഹൃദയാഘാതം മൂലം നിര്യാതനായി. കഴിഞ്ഞ രണ്ട് വര്‍ഷമായി റിയാദിലെ സ്വകാര്യ കമ്പനിയില്‍ ഡ്രൈവറായി ജോലി ചെയ്തുവരികയായിരുന്ന കോഴിക്കോട് മേലാടി പള്ളിക്കര സ്വദേശി വലിയ മഠത്തില്‍ ഹാരിസ് (52) ആണ് താമസസ്ഥലത്ത് വെച്ച് മരിച്ചത്. താമസസ്ഥലത്ത് വെച്ച് അപ്രതീക്ഷിതമായി ദേഹാസ്വാസ്ഥ്യം അനുഭവപ്പെടുകയും തുടര്‍ന്ന് ആരോഗ്യനില വഷളാവുകയുമായിരുന്നു. ഒപ്പമുണ്ടായിരുന്നവര്‍ വിവരമറിയിച്ചതിനെ തുടര്‍ന്ന് പോലീസും ആരോഗ്യപ്രവര്‍ത്തകരും സ്ഥലത്തെത്തി നടപടികള്‍ പൂര്‍ത്തിയാക്കി മൃതദേഹം ഷുമൈസി ആശുപത്രിയിലേക്ക് മാറ്റി. ആശുപത്രിയില്‍ വെച്ചാണ് മരണം ഹൃദയാഘാതം മൂലമാണെന്ന് സ്ഥിരീകരിച്ചത്. നിലവില്‍ മൃതദേഹം മോര്‍ച്ചറിയില്‍ സൂക്ഷിച്ചിരിക്കുകയാണ്.
പരേതരായ മൂസ  ബീപാത്തു ദമ്പതികളുടെ മകനാണ് ഹാരിസ്. ഭാര്യ: ഷാഹിന. മൃതദേഹം നാട്ടിലെത്തിക്കുന്നതിനുള്ള നടപടിക്രമങ്ങള്‍ക്ക് റിയാദ് കെ.എം.സി.സി വെല്‍ഫെയര്‍ വിങ് ചെയര്‍മാന്‍ റഫീഖ് പുല്ലൂരിന്റെ നേതൃത്വത്തില്‍ റാഷിദ് ദയ, ജാഫര്‍ വീമ്പൂര്‍, ബാസില്‍ എന്നിവര്‍ രംഗത്തുണ്ട്. മയ്യിത്ത് നാട്ടിലെത്തിച്ച് മറവ് ചെയ്യും. 

ALSO READ: ഖത്തറില്‍ എട്ടു വയസ്സുള്ള മലയാളി ബാലിക ഹൃദയസ്തംഭനംമൂലം മരിച്ചു

English Summary: Valiyamadathil Haris (52), a native of Pallikkara, Kozhikode, passed away due to a heart attack at his residence in Riyadh, Saudi Arabia. He had been working as a driver for a private company for the past two years. After experiencing severe physical discomfort at his accommodation, he was taken to Shumaisi Hospital with the help of police and health workers, where his death was confirmed. He is survived by his wife, Shahina. The Riyadh KMCC Welfare Wing is currently coordinating the legal procedures to reptariate his mortal remains to Kerala.