പയ്യന്നൂര്‍: പയ്യന്നൂര്‍ നിയമസഭാ മണ്ഡലത്തിലെ സ്വതന്ത്ര സ്ഥാനാര്‍ഥി വി. കുഞ്ഞികൃഷ്ണന്റെ തെരഞ്ഞെടുപ്പ് കമ്മിറ്റി ഓഫിസ് സി.പി.എം പ്രവര്‍ത്തകരുടെ ഭീഷണിയെത്തുടര്‍ന്ന് പൊളിച്ചുമാറ്റി. സ്ഥലം ഉടമയെ സി.പി.എമ്മുകാര്‍ ഭീഷണിപ്പെടുത്തിയതിനെ തുടര്‍ന്നാണ് പൊളിച്ചതെന്നാണ് പരാതി. ഭവിഷത്ത് നേരിടേണ്ടിവരുമെന്ന് ഭീഷണിപ്പെടുത്തിയതായും വിമതര്‍ ആരോപിക്കുന്നു. 

പയ്യന്നൂര്‍ കോത്തായി മുക്കിലായിരുന്നു ഓഫിസ് നിര്‍മാണം. ഭീഷണിയുണ്ടെന്നും ഓഫിസ് പൊളിച്ചുനീക്കി തരണമെന്നും ഉടമ ആവശ്യപ്പെട്ടതിനെ തുടര്‍ന്നാണ് നീക്കം ചെയ്തതെന്നും വി. കുഞ്ഞിക്കൃഷ്ണന്‍ പറഞ്ഞു. ഇന്ന് രാവിലെയാണ് നിര്‍മാണം തുടങ്ങിയത് . ഉച്ചയോടെ തന്നെ പൊളിച്ചുനീക്കുകയും ചെയ്തു. 

ALSO READ: ഒടുവില്‍ മലപ്പുറത്തെ 2 സീറ്റിലും കാസര്‍കോടും സ്ഥാനാര്‍ഥികളെ പ്രഖ്യാപിച്ച് എല്‍.ഡി.എഫ്; താനൂരില്‍ വ്യവസായി മുഹമ്മദ് സമീറും വള്ളിക്കുന്നില്‍ സി.പി. മുസ്തഫയും മത്സരിക്കും

ഫാസിസ്റ്റ് ശൈലിയിലാണ് സി.പി.എം പ്രവര്‍ത്തിക്കുന്നതെന്നും തനിക്കെതിരെ വ്യാപക നുണപ്രചാരണമാണ് നടത്തുന്നതെന്നും കുഞ്ഞികൃഷ്ണന്‍ ആരോപിച്ചു. തങ്ങള്‍ കാരണം മറ്റൊരാള്‍ക്ക് ബുദ്ധിമുട്ടുണ്ടാകരുതെന്ന് കരുതിയാണ് ഓഫിസ് പൊളിച്ചുനീക്കിയത്. എന്നാല്‍ ജനാധിപത്യത്തെ പൂര്‍ണമായും അട്ടിമറിക്കുന്ന രീതിയിലേക്കാണ് കാര്യങ്ങള്‍ പോകുന്നതെന്നും വി. കുഞ്ഞിക്കൃഷ്ണന്‍ ആരോപിച്ചു.

The election committee office of V. Kunjikrishnan has been demolished, triggering controversy. Allegations have emerged that the Communist Party of India (Marxist) threatened the landowner, leading to the removal of the structure. The incident has intensified political tensions, with demands for an investigation into the matter.