വാഷിങ്ടണ്‍: ഇറാനുമായുള്ള സമാധാന കരാറിനെക്കുറിച്ചുള്ള ചര്‍ച്ചകള്‍ 'വളരെ നന്നായി' നടക്കുന്നുണ്ടെന്ന് അവകാശവാദം തുടരുന്നതിനിടെ ആക്രമണം പത്ത് ദിവസത്തേക്ക് നിര്‍ത്തിവെച്ചെന്ന് അറിയിച്ച് യു.എസ് പ്രസിഡന്റ് ഡൊണാള്‍ഡ് ട്രംപ്. ചര്‍ച്ചയുടെ പുരോഗതി കണക്കിലെടുത്തും തെഹ്‌റാന്റെ അഭ്യര്‍ഥന മാനിച്ചും ഇറാനിലെ വൈദ്യുത കേന്ദ്രങ്ങള്‍ക്കെതിരായ ആക്രമണം ഏപ്രില്‍ 6 വരെ നിര്‍ത്തിവെച്ചതായാണ് ട്രംപിന്റെ അറിയിപ്പ്. 

ALSO READ: ഇന്ത്യയുൾപ്പെടെ 5 സൗഹൃദ രാജ്യങ്ങൾക്ക് ഹോർമുസിൽ ഇളവ്; ഇറാൻ വിദേശകാര്യ മന്ത്രി

അതേസമയം അമേരിക്കയുമായി ചര്‍ച്ചയില്ലെന്നും പോരാട്ടം തുടരുമെന്നും ആവര്‍ത്തിച്ചിരിക്കുകയാണ് ഇറാന്‍. അമേരിക്ക സമര്‍പ്പിച്ച പതിനഞ്ചിന വെടിനിര്‍ത്തല്‍ നിര്‍ദേശം ഇറാന്‍ തള്ളിയതായും റിപ്പോര്‍ട്ടുണ്ട്. അതേസമയം, ഇറാനില്‍ യു.എസ്, ഇസ്‌റാഈല്‍ ആക്രമണം ശക്തമായി തുടരുകയാണ്. ആക്രമണത്തില്‍ ഇറാനില്‍ മരണസംഖ്യ 1900 കടന്നു.

ALSO READ: ഇറാന്റെ തിരിച്ചടിയില്‍ യു.എസിനുണ്ടായത് ചില്ലറ നഷ്ടമല്ല; മിഡില്‍ ഈസ്റ്റിലെ 13 സൈനികത്താവളങ്ങള്‍ 'നാമാവശേഷമായ'തായി റിപ്പോര്‍ട്ട്, സൈനികര്‍ ഹോട്ടലുകളില്‍ അഭയം തേടി

ഇറാന്റെ നേതാക്കള്‍ ഒരു കരാറുണ്ടാക്കാന്‍ യാചിക്കുന്നുവെന്നാണ് ട്രംപ് അവകാശപ്പെടുന്നത്. ഹോര്‍മുസ് കടലിടുക്ക് കടക്കാന്‍ പത്ത് എണ്ണ ടാങ്കറുകളെ ഇറാന്‍ അനുവദിച്ചതായും ട്രംപ് പറയുന്നു. ഇറാനുമായി ചര്‍ച്ചകള്‍ നടക്കുന്നുണ്ടെന്നും പാകിസ്താന്‍ മധ്യസ്ഥത വഹിക്കുന്നുണ്ടെന്നും ട്രംപിന്റെ ദൂതനായ സ്റ്റീവ് വിറ്റ്‌കോഫും അവകാശപ്പെട്ടു. 

us president donald trump has paused attacks on iran for 10 days citing progress in peace talks while iran denies negotiations and continues conflict amid rising casualties