തിരുവനന്തപുരം:  85 വയസിന് മുകളിലുള്ളവർക്കും ഭിന്നശേഷിക്കാർക്കും അവശ്യ സർവിസ്‌ ജീവനക്കാർക്കുമുള്ള ‘വീട്ടിൽ വോട്ട്‌’ തുടരുന്നു. രണ്ടാംദിനത്തിൽ ചെയ്ത 23,171വോട്ട്‌ ഉൾപ്പെടെ സംസ്ഥാനത്താകെ 52,511 വോട്ട്‌ ആണ്‌ പോൾ ചെയ്തത്‌. ബി.എൽ.ഒമാർ വഴി മുൻകൂട്ടി അപേക്ഷ നൽകിയവരുടെ വീടുകളിൽ ഉദ്യോഗസ്ഥരെത്തിയാണ് വോട്ട് രേഖപ്പെടുത്തുന്നത്. പോളിങ് ഓഫിസർ, രണ്ട് അസിസ്റ്റന്റുമാർ, മൈക്രോ ഒബ്സർവർ, വീഡിയോഗ്രാഫർ, സുരക്ഷാ ഉദ്യോഗസ്ഥർ എന്നിവരടങ്ങുന്ന പ്രത്യേക മൊബൈൽ ടീമാണ് വോട്ടർമാർക്കരികിലെത്തുന്നത്‌. അവശ്യ സർവിസ്‌ ജീവനക്കാർ പരിശീലന കേന്ദ്രങ്ങളിലാണ്‌ വോട്ടുചെയ്യുന്നത്‌. രഹസ്യസ്വഭാവവും സുരക്ഷാ മാനദണ്ഡങ്ങളും പൂർണമായും പാലിച്ചാണ് നടപടി. 

ALSO READ: തൊണ്ടിമുതൽ കേസ്: ശിക്ഷാവിധി മരവിപ്പിക്കണം; ആന്റണി രാജു സുപ്രീംകോടതിയിൽ