കൊച്ചി: എസ്.എന്‍ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ ഉള്‍പ്പെടെയുള്ളവര്‍ ഉള്‍പ്പെട്ട മൈക്രോഫിനാന്‍സ് തട്ടിപ്പ് കേസില്‍ വിജിലന്‍സ് അന്വേഷണം പൂര്‍ത്തിയാക്കുന്നതില്‍ കാലതാമസം നേരിടുന്നതില്‍ ഹൈക്കോടതി അതൃപ്തി പ്രകടിപ്പിച്ചു.

മെയ് 20-നോ മുമ്പോ അന്വേഷണം മുടങ്ങാതെ പൂര്‍ത്തിയാക്കാന്‍ ജസ്റ്റിസ് എ ബദറുദീന്‍ അന്വേഷണ ഉദ്യോഗസ്ഥനോട് നിര്‍ദേശിച്ചു. സത്യസന്ധനായ ഒരു ഉദ്യോഗസ്ഥന്റെ നേതൃത്വത്തിലുള്ള പ്രത്യേക സംഘത്തെക്കൊണ്ട് വിജിലന്‍സ് അന്വേഷണം ആവശ്യപ്പെട്ട് ചേര്‍ത്തലയിലെ എം .എസ് അനില്‍ 2020-ല്‍ സമര്‍പ്പിച്ച ഹരജി കോടതി പരിഗണിക്കുകയായിരുന്നു.

ALSO READ: തൊണ്ടിമുതൽ കേസ്: ശിക്ഷാവിധി മരവിപ്പിക്കണം; ആന്റണി രാജു സുപ്രീംകോടതിയിൽ

നേരത്തെ, കേസ് പൊലിസ് സൂപ്രണ്ട് എസ്.ശശിധരനെ ഏല്‍പ്പിച്ചിരുന്നു. നിലവില്‍ പൊലിസ് അക്കാദമി അസിസ്റ്റന്റ് ഡയറക്ടര്‍ (അഡ്മിനിസ്‌ട്രേഷന്‍) പദവി വഹിക്കുന്നു. ശബരിമല സ്വര്‍ണമോഷണം അന്വേഷിക്കാന്‍ കോടതി രൂപീകരിച്ച  (എസ്.ഐ.ടി) അന്വേഷണ ഉദ്യോഗസ്ഥനായും അദ്ദേഹം സേവനമനുഷ്ഠിക്കുന്നു.