കോഴിക്കോട്:  വിവാദമായ അനൗണ്‍സ്‌മെന്റുമായി ബന്ധപ്പെട്ട് ഒരു നോട്ടിസും ലഭിച്ചിട്ടില്ലെന്ന് എല്‍.ഡി.എഫ് കണ്‍വീനറും പേരാമ്പ്രയിലെ എല്‍.ഡി.എഫ് സ്ഥാനാര്‍ഥിയുമായ ടി.പി രാമകൃഷ്ണന്‍. പേരാമ്പ്ര മണ്ഡലത്തിലെ എല്‍.ഡി.എഫ് പ്രകടന പത്രിക പ്രകാശന ചടങ്ങില്‍ സംസാരിക്കുകയായിരുന്നു അദ്ദേഹം. 

വിഷയത്തില്‍ മാധ്യമപ്രവര്‍ത്തകരുടെ ചോദ്യങ്ങളോട് അദ്ദേഹം ക്ഷുഭിതനായാണ് പ്രതികരിച്ചത്. ഞങ്ങളുടെ മേല്‍ കുറ്റം ചാര്‍ത്താന്‍ എന്തിനാണ് ഇത്ര ധൃതിയെന്ന് അദ്ദേഹം ചോദിച്ചു.  പേരാമ്പ്രയിലെ സമാധാനഅന്തരീക്ഷം തകര്‍ക്കാന്‍ ബോധപൂര്‍വമായ പ്രചാരണങ്ങള്‍ നടക്കുകയാണെന്നും അദ്ദേഹം കുറ്റപ്പെടുത്തി. 

വിവാദമായ തരത്തിലുള്ള അനൗണ്‍സ്‌മെന്റ് എല്‍.ഡി.എഫ് നടത്തിയിട്ടില്ലെന്നും പ്രചാരണം നടത്തുന്നവര്‍ അതിന് തെളിവ് നല്‍കട്ടെയെന്നും അദ്ദേഹം ആവശ്യപ്പെട്ടു. എല്‍.ഡി.എഫിന്റെ ഔദ്യോഗിക പ്രചാരണ വാഹനങ്ങളില്‍ ഉപയോഗിക്കുന്ന അനൗണ്‍സ്‌മെന്റുകളുടെ റെക്കോര്‍ഡുകള്‍ അടങ്ങിയ പെന്‍ഡ്രൈവ് തന്റെ പക്കലുണ്ട്. അത് പരിശോധനയ്ക്കായി നല്‍കാന്‍ തയ്യാറാണ്. ആരെങ്കിലും പരാതി നല്‍കിയിട്ടുണ്ടെങ്കില്‍ അത് അന്വേഷിക്കട്ടെ എന്നും അന്വേഷണവുമായി പൂര്‍ണ്ണമായും സഹകരിക്കുമെന്നും അതിന് ശേഷം വിശദമായി പ്രതികരിക്കാമെന്നും അദ്ദേഹം വ്യക്തമാക്കി. 

T.P. Ramakrishnan has denied receiving any notice from the Election Commission in connection with the Perambra announcement controversy. He stated that the allegations are an attempt to disturb the peaceful atmosphere and dismissed the claims as baseless. The issue continues to draw attention amid the ongoing election campaign in Kerala.