തെഹ്‌റാന്‍: ഹോര്‍മുസ് കടലിടുക്കില്‍ പ്രവേശിക്കുന്നതോ പുറത്തേക്ക് പോകുന്നതോ ആയ കപ്പലുകള്‍ തടയണമെന്ന യുഎസ് പ്രസിഡന്റ് ഡൊണാള്‍ഡ് ട്രംപിന്റെ പ്രഖ്യാപനത്തിന് പിന്നാലെ പരിഹാസവുമായിഇറാന്‍ പാര്‍ലമെന്റ് സ്പീക്കര്‍ മുഹമ്മദ് ബാഗര്‍ ഗാലിബാഫ്. വെറുതെ അങ്ങ് വാക്കാല്‍ പരിഹസിച്ച് പോവുകയല്ല ഇറാന്‍ സ്പീക്കര്‍ ചെയ്തിരിക്കുന്നത്. നാവിക ഉപരോധം എന്ന യു.എസ് പ്രസിഡന്റിന്റെ ഭീഷണിക്ക് 'കണക്ക്' നിരത്തിയാണ് ഇറാന്‍ സ്പീക്കര്‍ മറുപടി നല്‍കിയിരിക്കുന്നത്. അമേരിക്കന്‍ സമ്പദ്വ്യവസ്ഥയെ കാത്തിരിക്കുന്ന വന്‍ തകര്‍ച്ചയെ ഒരു ഗണിതശാസ്ത്ര സമവാക്യത്തിലൂടെ ഓര്‍മ്മിപ്പിക്കുകയാണ് ഗാലിബാഫ്.

ALSO READ: ഇന്ത്യയടക്കം ലോകരാജ്യങ്ങൾക്ക് അമേരിക്കൻ ഭീഷണി; ഇറാന് ടോൾ നൽകുന്ന കപ്പലുകൾ പിടിച്ചെടുക്കും,ഹോർമുസ് കടലിടുക്കിൽ ഉപരോധവുമായി ട്രംപ്

വൈറ്റ് ഹൗസിന് സമീപം നിലവിലുള്ള പെട്രോള്‍ വില കാണിക്കുന്ന ഒരു ചിത്രവും അദ്ദേഹം പങ്കിട്ടിട്ടുണ്ട്.  അമേരിക്കക്കാര്‍ക്ക് 'അവ ഉടന്‍ തന്നെ നഷ്ടമാകുമെന്ന്' മുന്നറിയിപ്പും ചിത്രത്തോടൊപ്പം അദ്ദേഹം നല്‍കുന്നു. തിങ്കളാഴ്ച വൈകുന്നേരം (ഇറാനിയന്‍ സമയം) മുതല്‍ ഇറാനിയന്‍ തുറമുഖങ്ങളിലേക്ക് പ്രവേശിക്കുന്ന എല്ലാ സമുദ്ര ഗതാഗതവും ഉപരോധിക്കാന്‍ തുടങ്ങുമെന്ന് യുഎസ് സൈന്യം പ്രഖ്യാപിച്ച സാഹചര്യത്തിലാണ് മുന്നറിയിപ്പ്.

ട്രംപിനെ ഞെട്ടിച്ച 'സീക്രട് ഇക്വേഷന്‍'

'നിലവിലെ പമ്പ് കണക്കുകള്‍ ആസ്വദിക്കൂ,' ഗാലിബാഫ് സോഷ്യല്‍ മീഡിയ പ്ലാറ്റ്ഫോം എക്സിലെ ഒരു പോസ്റ്റില്‍ എഴുതി. 
'നിലവിലെ പമ്പ് നിരക്കുകള്‍ ആസ്വദിച്ചോളൂ. ഈ ഉപരോധം തുടങ്ങുന്നതോടെ 4-5 ഡോളര്‍ നിരക്കിനെ നിങ്ങള്‍ മിസ് ചെയ്യാന്‍ തുടങ്ങും. ആ പഴയ വിലയോര്‍ത്ത് നിങ്ങള്‍ നൊസ്റ്റാള്‍ജിക് ആകും,' അദ്ദേഹം തുടര്‍ന്ന് കുറിക്കുന്നു. നിലവില്‍ ഗാലന് 4 മുതല്‍ 5 ഡോളര്‍ വരെയാണ് അമേരിക്കയിലെ ഇന്ധനവില.

കൂടെ ഈ ഇക്വേഷനും അദ്ദേഹം പങ്കുവെക്കുന്നു 'f(f(O))>f(O)'. 'മണ്ടത്തരം കൂടുന്തോറും കൂടുതല്‍ കുഴപ്പത്തിലാകുന്നു' എന്നോ അല്ലെങ്കില്‍ സമാനമായ തമാശകള്‍ പറയാനോ ട്രോള്‍ ഗ്രൂപ്പുകളിലും ടെക് സൗഹൃദ കൂട്ടായ്മകളിലും ഇത്തരം 'സ്യൂഡോ-മാത്തമാറ്റിക്കല്‍' (Pseudo-mathematical) കോഡുകള്‍ ഉപയോഗിക്കാറുണ്ടെന്ന് നെറ്റിസണ്‍സ് പറയുന്നു. 

ഹോര്‍മുസ് കടലിടുക്കിലെ ഉപരോധത്തിന്റെ തീവ്രത വര്‍ദ്ധിച്ചാല്‍ രാജ്യാന്തര വിപണിയില്‍ എണ്ണവിലയില്‍ സാധാരണ വര്‍ദ്ധനവിനേക്കാള്‍ ഉപരിയായി ഒരു 'കോംപൗണ്ടിങ് ഇഫക്റ്റ്' അഥവാ അതിവേഗത്തിലുള്ള വര്‍ദ്ധനവ് ($f(f(O))$) ഉണ്ടാക്കുമെന്നാണ് ഇത് അര്‍ഥമാക്കുന്നതെന്നാണ് പോസ്റ്റിനു താഴെ വരുന്ന കമന്റുകളുടെ അടിസ്ഥാനത്തില്‍ മനസ്സിലാവുന്നത്. 
അതായത് വിതരണ ശൃംഖല തടസ്സപ്പെടുന്നത് വിലക്കയറ്റത്തിന് കാരണമാകുമെന്നും, ആദ്യത്തെ ആഘാതം രണ്ടാമതൊരു വലിയ വിലക്കയറ്റത്തിലേക്ക് നയിക്കുമെന്നുമാണ് മുന്നറിയിപ്പ്.

tensions escalated as Iran responded to reported blockade threats by the United States in the Strait of Hormuz with a symbolic “mathematical warning” — f(f(O)) > f(O). the message is being interpreted as a signal of escalating consequences if confrontation intensifies in the region.