മലപ്പുറം: മലപ്പുറത്ത് രണ്ട് കുട്ടികള്‍ ഉള്‍പ്പെടെ മൂന്നുപേര്‍ക്ക് സൂര്യാതപമേറ്റു. കൊണ്ടോട്ടി കരിപ്പൂര്‍ കുമ്മിണിപറമ്പ് സ്വദേശിക്കും, വളാഞ്ചേരി സ്വദേശികളായ കുട്ടികള്‍ക്കുമാണ് സൂര്യാതപമേറ്റത്. സംസ്ഥാനത്ത് വിവിധ ജില്ലകളിലായി സൂര്യാഘാത കേസുകള്‍ റിപ്പോര്‍ട്ട് ചെയ്തിട്ടുണ്ട്. 

വളാഞ്ചേരി പൈങ്കണ്ണൂര്‍ നിരപ്പില്‍ തെങ്ങുംതോട്ടത്തില്‍ പ്രമോദ്-ഷാനില ദമ്പതികളുടെ മൂന്നും അഞ്ചും വയസുള്ള ആണ്‍കുട്ടികള്‍ക്കാണ് പൊള്ളലേറ്റത്. ചൊവ്വാഴ്ച്ച വീടിന് ചേര്‍ന്നുള്ള പറമ്പില്‍ കളിച്ചുകൊണ്ടിരിക്കെയാണ് കുട്ടികള്‍ക്ക് പൊള്ളലേറ്റത്. മൂന്നുവയസുകാരന്റെ കൈകള്‍ക്കും, നെഞ്ചിനും പുറംഭാഗത്തും പൊള്ളലേറ്റിട്ടുണ്ട്. അഞ്ചു വയസുകാരന്റെ കൈകള്‍ക്കും പൊള്ളലുണ്ട്. കുട്ടികളെ വളാഞ്ചേരി വൈക്കത്തൂര്‍ ആശുപത്രിയില്‍ പ്രവേശിപ്പിച്ചു. 

ALSO READ: മൂക്ക് പൊത്താതെ തലസ്ഥാനത്ത് നടക്കാന്‍ പറ്റാത്ത അവസ്ഥ; ബിജെപിക്കെതിരെ രൂക്ഷ വിമര്‍ശനവുമായി വി ശിവന്‍കുട്ടി 

ഇന്നലെയാണ് കരിപ്പൂര്‍ കുമ്മിണിപറമ്പ് മേലേ മംഗലത്ത് സ്വദേശി അഖിലിന് ആശാരി ജോലിക്കിടെ പൊള്ളലേറ്റത്. യുവാവ് കൊണ്ടോട്ടി താലൂക്ക് ആശുപത്രിയില്‍ ചികിത്സ തേടി.