കണ്ണൂർ: വോട്ടെണ്ണൽ ദിനം അടുത്തിരിക്കെ കണ്ണൂർ പാനൂരിൽ വീണ്ടും ബോംബ് ശേഖരം കണ്ടെത്തി. മേലെ പൂക്കോം ചിത്രവയലിൽ പൊലിസ് നടത്തിയ വ്യാപക പരിശോധനയിലാണ് രണ്ട് സ്റ്റീൽ ബോംബുകളും ഒരു നാടൻ ബോംബും പിടിച്ചെടുത്തത്. വടകര ലോക്സഭാ മണ്ഡലത്തിന്റെ പരിധിയിൽ വരുന്ന പ്രദേശമാണിത്.

ALSO READ: മഹാരാഷ്ട്രയിൽ കേരളത്തിൽ നിന്നുള്ള ലോറിക്ക് നേരെ സായുധ സംഘത്തിന്റെ ക്രൂരമായ ആക്രമണം; തൊഴിലാളികളെ വെട്ടിപ്പരിക്കേൽപ്പിച്ചു

ബക്കറ്റിൽ മണൽ നിറച്ച് അതിനുള്ളിൽ ഒളിപ്പിച്ച നിലയിലായിരുന്നു ബോംബുകൾ. ഇന്ന് രാവിലെ പത്ത് മണിയോടെയാണ് ഇവ കണ്ടെടുത്തത്. പിടിച്ചെടുത്ത സ്റ്റീൽ ബോംബുകൾക്ക് പഴക്കമുണ്ടെങ്കിലും നാടൻ ബോംബ് അടുത്ത കാലത്ത് നിർമ്മിച്ചതാണെന്ന് പൊലിസ് അറിയിച്ചു.

തെരഞ്ഞെടുപ്പ് ഫലപ്രഖ്യാപനവുമായി ബന്ധപ്പെട്ട് അക്രമസംഭവങ്ങൾ ഒഴിവാക്കാൻ കർശനമായ പരിശോധനയാണ് ജില്ലയിൽ നടക്കുന്നത്. കണ്ടെത്തിയ ബോംബുകൾ ബോംബ് സ്ക്വാഡ് എത്തി നിർവീര്യമാക്കിയിട്ടുണ്ട് എന്ന് പൊലിസ് ഉദ്യോഗസ്ഥർ വ്യക്തമാക്കി. സംഭവത്തിൽ പൊലിസ് വിശദമായ അന്വേഷണം ആരംഭിച്ചിട്ടുണ്ട്. പ്രദേശത്ത് കൂടുതൽ ബോംബുകൾ ഒളിപ്പിച്ചിട്ടുണ്ടോ എന്നറിയാൻ വരും ദിവസങ്ങളിലും പരിശോധന തുടരാനാണ് അധികൃതരുടെ തീരുമാനം.

During a security sweep conducted in Panoor, Kannur, police recovered three bombs from an isolated property in Mele Pookom Chithravayal.