കൊച്ചി: എറണാകുളത്ത് പൊലിസ് കസ്റ്റഡിയിൽ നിന്ന് രണ്ട് കവർച്ചാക്കേസ് പ്രതികൾ ചാടിപ്പോയി. കടവന്ത്ര പൊലിസ് പിടികൂടിയ പ്രതികളാണ് മജിസ്‌ട്രേറ്റിന് മുന്നിൽ ഹാജരാക്കാൻ എത്തിച്ചപ്പോൾ പൊലിസിനെ വെട്ടിച്ച് കടന്നുകളഞ്ഞത്. പത്തനംതിട്ട സ്വദേശി റസൽ, ആലപ്പുഴ സ്വദേശി സൂരജ് എന്നിവരാണ് ചാടിപ്പോയത്.

വിവിധ കവർച്ചാക്കേസുകളിൽ പ്രതികളായ ഇവരെ ഇന്ന് കോടതിയിൽ ഹാജരാക്കാനായി എത്തിച്ചതായിരുന്നു. മജിസ്‌ട്രേറ്റിന് മുന്നിലേക്ക് കൊണ്ടുപോകുന്നതിനിടെ പൊലിസിന്റെ കണ്ണുവെട്ടിച്ച് ഇരുവരും ഓടി രക്ഷപ്പെടുകയായിരുന്നു.

പ്രതികൾ രക്ഷപ്പെട്ടതിനെത്തുടർന്ന് നഗരത്തിലും പരിസരപ്രദേശങ്ങളിലും പൊലിസ് ജാഗ്രതാ നിർദ്ദേശം നൽകിയിട്ടുണ്ട്. റെയിൽവേ സ്റ്റേഷനുകൾ, ബസ് സ്റ്റാൻഡുകൾ എന്നിവിടങ്ങളിൽ പരിശോധന കർശനമാക്കി. പ്രതികൾക്കായി തിരച്ചിൽ ഊർജ്ജിതമാക്കിയതായും ഉടൻ തന്നെ പിടിയിലാകുമെന്നും കടവന്ത്ര പൊലിസ് അറിയിച്ചു.

Two accused individuals in a robbery case managed to escape from police custody while being brought before a magistrate in Kochi. The incident occurred during the mandatory production process, sparking an immediate security alert in the area.