പയ്യന്നൂര്‍: വെള്ളൂരില്‍ സാമൂഹ്യവിരുദ്ധര്‍ കത്തിച്ച ബൈക്കിന് പകരം വി. കുഞ്ഞികൃഷ്ണന്റെ അനുയായിക്ക് ഇന്ന് പുതിയ സ്‌കൂട്ടര്‍ കൈമാറും. 10 രൂപ ചലഞ്ച് നടത്തിയും ബാക്കി തുക കൂട്ടായ്മയിലൂടെ കണ്ടെത്തിയുമാണ് സ്‌കൂട്ടര്‍ വാങ്ങി നല്‍കുന്നത്. 

സി.പി.എമ്മിനെതിരേ വിവാദ വെളിപ്പെടുത്തല്‍ നടത്തിയതിനെ തുടര്‍ന്ന് പാര്‍ട്ടിയില്‍ നിന്നും ജനുവരി 26ന് പുറത്താക്കിയ വി. കുഞ്ഞികൃഷ്ണന്റെ വീടിന് മുന്നില്‍ അന്ന് വൈകിട്ട് ഒരു സംഘം പടക്കം പൊട്ടിച്ചതില്‍ പ്രതിഷേധിച്ച് സമീപവാസികളും കുഞ്ഞികൃഷണന്റെ സുഹൃത്തുക്കളും പ്രകടനം നടത്തിയിരുന്നു. 

ആ പ്രകടനത്തില്‍ മുദ്രാവാക്യം വിളിച്ച പി. പ്രസന്നന്റെ ബൈക്ക് അന്ന് രാത്രിയില്‍ കത്തിച്ചിരുന്നു. സംഭവത്തിനു ശേഷം പുതിയ വാഹനം വാങ്ങി നല്‍കാന്‍ വി. കുഞ്ഞികൃഷ്ണനും അനുയായികളും തീരുമാനിച്ചിരുന്നു. ഇന്ന് വൈകിട്ട് അഞ്ചിന് ഗാന്ധിപാര്‍ക്കില്‍ വച്ച് പുതിയ വാഹനം കൈമാറും.

In a notable display of grassroots solidarity, a new motorcycle was gifted to a supporter of leader V. Kunhikrishnan through a unique crowdfunding initiative titled the "10 Rupee Challenge.