ദുബൈ: യു.എ.ഇയുടെ വിവിധ ഭാഗങ്ങളില്‍ ചൂട് വര്‍ധിക്കുന്നു. ഇന്ന് അബൂദബി, ദുബൈ, ഷാര്‍ജ എന്നിവിടങ്ങളില്‍ താപനില 40 ഡിഗ്രി സെല്‍ഷ്യസ് വരെ ഉയരാന്‍ സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രം (എന്‍.സി.എം) അറിയിച്ചു. പൊതുവെ തെളിഞ്ഞ കാലാവസ്ഥയായിരിക്കുമെങ്കിലും ചിലയിടങ്ങളില്‍ ഭാഗികമായി മേഘാവൃതമായിരിക്കും.
ഇന്നലെ രാജ്യത്ത് രേഖപ്പെടുത്തിയ ഏറ്റവും ഉയര്‍ന്ന താപനില 43.9 ഡിഗ്രി സെല്‍ഷ്യസാണ്. അല്‍ ദഫ്ര മേഖലയിലെ ഹമീമിലാണ് ഉച്ചയ്ക്ക് 3.30ഓടെ ഈ ഉയര്‍ന്ന താപനില രേഖപ്പെടുത്തിയത്. വരും ദിവസങ്ങളിലും ചൂട് കൂടാനാണ് സാധ്യതയെന്നാണ് കാലാവസ്ഥാ പ്രവചനം.
ഇന്ന് ദുബൈയിലും അബൂദബിയിലും പരമാവധി താപനില 40 ഡിഗ്രിയും കുറഞ്ഞ താപനില 27 ഡിഗ്രിയുമായിരിക്കും. ഷാര്‍ജയില്‍ ഇത് 26 ഡിഗ്രി മുതല്‍ 40 ഡിഗ്രി വരെയായിരിക്കും. മണിക്കൂറില്‍ 10 മുതല്‍ 25 കിലോമീറ്റര്‍ വേഗതയില്‍ വടക്കുപടിഞ്ഞാറന്‍ ദിശയില്‍ നിന്ന് കാറ്റ് വീശാന്‍ സാധ്യതയുണ്ട്. ചില സമയങ്ങളില്‍ ഇത് 35 കിലോമീറ്റര്‍ വരെ വേഗത പ്രാപിച്ചേക്കാം. അറേബ്യന്‍ ഗള്‍ഫിലും ഒമാന്‍ കടലിലും കടല്‍ ശാന്തമോ ഭാഗികമായി പ്രക്ഷുബ്ധമോ ആയിരിക്കും.

UAE weather on Sunday, May 3, is expected to be fair in general and partly cloudy at times, according to the National Center of Meteorology. The met department said in their bulletin that on Sunday, winds will be light to moderate Northwesterly to Northeasterly, freshening at times, with a speed of 10-25 reaching 35 km/hr.