കോഴിക്കോട്: പതങ്കയത്ത് വെള്ളച്ചാട്ടം കാണാനെത്തിയ ചെറുവണ്ണൂര്‍ സ്വദേശിയായ വിദ്യാര്‍ഥി മുങ്ങി മരിച്ചു.  കൊളത്തറ നാസറിന്റെ മകന്‍ ഷബീല്‍ (17) ആണ് മരിച്ചത്. ഇന്ന് ഉച്ചയ്ക്ക് പന്ത്രണ്ട് മണിയോടെയായിരുന്നു അപകടം. രണ്ട് സുഹൃത്തുക്കള്‍ക്കൊപ്പം പതങ്കയത്ത് എത്തിയതായിരുന്നു ഷബീല്‍. സുഹൃത്തുക്കള്‍ കുളിക്കാനിറങ്ങിയപ്പോള്‍ ഷബീല്‍ ഇറങ്ങിയിരുന്നില്ല. 

ALSO READ: 3 വയസ്സുകാരിയെ പീഡിപ്പിച്ചു കൊലപ്പെടുത്തി: മൃതദേഹവുമായി ദേശീയപാത ഉപരോധിച്ച് വൻ പ്രതിഷേധം, ഗതാഗതം 4 മണിക്കൂർ സ്തംഭിച്ചു

പിന്നീട് അവര്‍ കരയില്‍ കയറിയപ്പോള്‍ ഷബീലിനെ കാണാനില്ലായിരുന്നു. തുടര്‍ന്ന് കൂട്ടുകാര്‍ ബഹളംവയ്ക്കുകയായിരുന്നു. ഉടന്‍ തന്നെ നാട്ടുകാരും മുക്കം പൊലിസും സ്ഥലത്തെത്തി തെരച്ചില്‍ നടത്തി. ഇതിനിടെയാണ് മൃതദേഹം കണ്ടെത്തിയത്. മുക്കം ഫയര്‍ഫോഴ്‌സ് സ്ഥലത്തെത്തും മുമ്പ് തന്നെ നാട്ടുകാര്‍ മൃതദേഹം പുറത്തെടുത്തിരുന്നു.

a 17 year old student from cheruvannur drowned at pathankayam waterfalls in kozhikode after going missing during a trip with friends, search efforts led to recovery of the body