കണ്ണൂര്‍: തളിപ്പറമ്പിലെ നിയുക്ത എം.എല്‍.എ ടി.കെ ഗോവിന്ദന്‍ കോടിയേരി ബാലകൃഷ്ണന്റെ വീട്ടിലെത്തി. ഭാര്യ കെ പി രമണിക്കൊപ്പമാണ് ടി.കെ ഗോവിന്ദനെത്തിയത്. വീട്ടിലെത്തിയ ടി.കെ. ഗോവിന്ദനെയും ഭാര്യയെയും വിനോദിനി ബാലകൃഷ്ണന്‍ സ്വീകരിച്ചു. 

കോടിയേരിയുടെ കുടുംബാംഗങ്ങളുമായി ഗോവിന്ദന്‍ കൂടിക്കാഴ്ച്ച നടത്തി.കോടിയേരി ബാലകൃഷ്ണന്റെ കുടുംബവുമായി ടി.കെ. ഗോവിന്ദനുംകുടുംബത്തിനും അടുത്ത ബന്ധമാണുള്ളത്. 

കോടിയേരിയുടെ സ്മൃതി മണ്ഡപത്തില്‍ പുഷ്പാര്‍ച്ചന നടത്തിയ ഗോവിന്ദന്‍ വീട്ടിലെ ഓര്‍മ്മ ചിത്രങ്ങളും മ്യൂസിയവും സന്ദര്‍ശിച്ചു. ടി.കെ ഗോവിന്ദന്റെ സന്ദര്‍ശനത്തിന്റെ ദൃശ്യങ്ങള്‍ ഇതിനോടകം പുറത്തുവന്നിട്ടുണ്ട്.  

അതേസമയം, പാര്‍ട്ടി വിട്ട് പാര്‍ട്ടിക്കെതിരെ മത്സരിച്ച ഒരു നേതാവ് സി.പി.എം നേതാവിന്റെ വീട്ടിലെത്തുന്നത് ആദ്യമാണ്. പാര്‍ട്ടിയില്‍ പിണറായി വിജയനെതിരെ രൂക്ഷവിമര്‍ശനങ്ങള്‍ ഉയരുന്നതിനിടെയാണ് ഗോവിന്ദന്റെ സന്ദര്‍ശനം.

സി.പി.എമ്മില്‍ നിന്ന് വിട്ട് യു.ഡി.എഫ് സ്വതന്ത്രനായി മത്സരിച്ച ഗോവിന്ദന്‍ ഇടതുകോട്ടയായ തളിപ്പറമ്പില്‍ പാര്‍ട്ടി സംസ്ഥാന സെക്രട്ടറി എം.വി ഗോവിന്ദന്റെ ഭാര്യ പി.കെ ശ്യാമളയെ വന്‍ ഭൂരിപക്ഷത്തിലാണ് പരാജയപ്പെടുത്തിയത്. 

CPI(M) leader T.K. Govindan visited the residence of the late party veteran Kodiyeri Balakrishnan. During the visit, he paid his respects at the Smrithi Mandapam (memorial) located on the house premises by offering floral tributes.