ജയ്പൂർ: ലോക ക്രിക്കറ്റിലെ വമ്പൻമാരെ അമ്പരപ്പിച്ച് സിക്സർ വേട്ടയിൽ പുതിയ ചരിത്രമെഴുതി രാജസ്ഥാൻ റോയൽസിന്റെ കൗമാര വിസ്മയം വൈഭവ് സൂര്യവംശി. ടി20 ക്രിക്കറ്റിൽ 20 വയസ്സ് തികയുന്നതിന് മുൻപ് 100 സിക്സറുകൾ തികയ്ക്കുന്ന ലോകത്തിലെ ആദ്യ താരം എന്ന അപൂർവ്വ നേട്ടമാണ് ഈ 15-കാരൻ സ്വന്തമാക്കിയത്. ഗുജറാത്ത് ടൈറ്റൻസിനെതിരായ മത്സരത്തിൽ മുഹമ്മദ് സിറാജിനെ സിക്സറിന് പറത്തിയാണ് വൈഭവ് റെക്കോർഡ് ബുക്കിൽ ഇടംപിടിച്ചത്.

പൊള്ളാർഡിനെ പിന്നിലാക്കിയ വേഗത

സിക്സറുകളുടെ എണ്ണത്തിൽ മാത്രമല്ല, അത് നേടിയ വേഗതയിലും വൈഭവ് ഇതിഹാസങ്ങളെ ബഹുദൂരം പിന്നിലാക്കി. വെസ്റ്റ് ഇൻഡീസ് ഇതിഹാസം കെയ്‌റോൺ പൊള്ളാർഡിന്റെ ദീർഘകാലത്തെ റെക്കോർഡാണ് വൈഭവ് തകർത്തത്.

MAKING IT A HABIT 🤩

🎥 Just Vaibhav Sooryavanshi with yet another high-intent knock 🙌

Updates ▶️ https://t.co/t7CEEL9Bzp#TATAIPL | #KhelBindaas | #RRvGT | @rajasthanroyals pic.twitter.com/LYEfiG4wnZ

— IndianPremierLeague (@IPL) May 9, 2026

• വൈഭവ് സൂര്യവംശി: 100 സിക്സറുകൾ തികയ്ക്കാൻ എടുത്തത് വെറും 514 പന്തുകൾ.
• കെയ്‌റോൺ പൊള്ളാർഡ്: ഇതേ നേട്ടത്തിനായി എടുത്തത് 843 പന്തുകൾ.
• നേരത്തെ കരൺബീർ സിംഗ് (813 പന്തുകൾ) സ്ഥാപിച്ച റെക്കോർഡും വൈഭവിന്റെ വെടിക്കെട്ടിന് മുന്നിൽ വഴിമാറി.

സിറാജിനെതിരെ വെടിക്കെട്ട് തുടക്കം

ജയ്പൂരിലെ സവായ് മാൻസിംഗ് സ്റ്റേഡിയത്തിൽ നടന്ന മത്സരത്തിൽ 99 സിക്സറുകളുമായാണ് വൈഭവ് ക്രീസിലെത്തിയത്. ഗുജറാത്ത് ടൈറ്റൻസിന് വേണ്ടി പന്തെറിഞ്ഞ മുഹമ്മദ് സിറാജിന്റെ ആദ്യ പന്തിൽ തന്നെ ലോങ് ഓണിന് മുകളിലൂടെ സിക്സർ പറത്തിയാണ് വൈഭവ് തന്റെ നൂറാം സിക്സ് ആഘോഷിച്ചത്. മത്സരത്തിൽ 16 പന്തിൽ നിന്ന് 3 ഫോറും 3 സിക്സും ഉൾപ്പെടെ 36 റൺസ് നേടിയ താരം ഒടുവിൽ സിറാജിന്റെ തന്നെ ബൗൺസറിലാണ് പുറത്തായത്.

അഭിഷേക് ശർമ്മയുടെ റെക്കോർഡും അപകടത്തിൽ

ഐപിഎൽ ചരിത്രത്തിൽ ഒരു സീസണിൽ ഏറ്റവും കൂടുതൽ സിക്സുകൾ നേടുന്ന താരമെന്ന റെക്കോർഡും വൈഭവിനെ കാത്തിരിക്കുകയാണ്.നിലവിലെ റെക്കോർഡ്:അഭിഷേക് ശർമ്മയുടെ 42 സിക്സുകൾ  2024 സീസൺ നേടിയതാണ്.എന്നാൽ ഈ സീസണിൽ വൈഭവിന്റെ നിലവിലെ സമ്പാദ്യം  40 സിക്സുകളാണ് ഇതുവരെ.

A yorker to rattle the batter, a bouncer to dismiss him 🔥

🎥 Mohd. Siraj showing his full range to fetch the wicket of Vaibhav Sooryavanshi 👏👏

Updates ▶️ https://t.co/t7CEEL9Bzp#TATAIPL | #KhelBindaas | #RRvGT | @gujarat_titans pic.twitter.com/Xf32M6hzBH

— IndianPremierLeague (@IPL) May 9, 2026

ഇനി വെറും മൂന്ന് സിക്സുകൾ കൂടി നേടിയാൽ ഒരു ഐപിഎൽ സീസണിൽ ഏറ്റവും കൂടുതൽ സിക്സുകൾ നേടുന്ന താരമെന്ന നേട്ടം വൈഭവിന് സ്വന്തമാകും. ഈ സീസണിൽ ഇതിനോടകം തന്നെ 15 പന്തിൽ രണ്ട് അർദ്ധ സെഞ്ചുറികളും 36 പന്തിൽ ഒരു സെഞ്ചുറിയും നേടി വൈഭവ് ക്രിക്കറ്റ് ലോകത്തെ ഞെട്ടിച്ചിരുന്നു.