മനാമ: ഈ വര്‍ഷത്തെ ഹജ്ജ് കര്‍മങ്ങള്‍ക്കായി ബഹ്‌റൈനില്‍നിന്നുള്ള ആദ്യ തീര്‍ഥാടക സംഘം സഊദി അറേബ്യയിലേക്ക് യാത്ര തിരിച്ചു. മനാമ അന്താരാഷ്ട്ര വിമാനത്താവളത്തില്‍നിന്ന് പുറപ്പെട്ട തീര്‍ഥാടകര്‍ക്ക് ബന്ധുക്കളും സുഹൃത്തുക്കളും ചേര്‍ന്ന് യാത്രയയപ്പ് നല്‍കി. ഹജ്ജ് യാത്രയ്ക്കായി മാസങ്ങളായി കാത്തിരുന്ന വിശ്വാസികള്‍ക്ക് ഏറെ വികാരഭരിതമായ നിമിഷങ്ങളായിരുന്നു വിമാനത്താവളത്തില്‍ അരങ്ങേറിയത്.

വെളുത്ത ഇഹ്‌റാം വസ്ത്രം ധരിച്ച് പ്രാര്‍ഥനകളോടെയാണ് പലരും യാത്ര ആരംഭിച്ചത്. കുടുംബാംഗങ്ങളോട് യാത്ര പറഞ്ഞിറങ്ങുന്ന കാഴ്ചകളും വിമാനത്താവളത്തില്‍ ശ്രദ്ധേയമായി. ചിലര്‍ ആദ്യമായാണ് ഹജ്ജ് നിര്‍വഹിക്കാന്‍ പോകുന്നതെങ്കില്‍, ചിലര്‍ ജീവിതകാല സ്വപ്നം സഫലമായ സന്തോഷത്തിലാണ് യാത്ര തിരിച്ചത്.

ഈ വര്‍ഷം ബഹ്‌റൈനില്‍നിന്ന് നൂറുകണക്കിന് ആളുകളാണ് ഹജ്ജിനായി രജിസ്റ്റര്‍ ചെയ്തിരിക്കുന്നത്. വിവിധ ഹജ്ജ് ഗ്രൂപ്പുകളുടെയും ട്രാവല്‍ ഏജന്‍സികളുടെയും നേതൃത്വത്തിലാണ് യാത്രാ ക്രമീകരണങ്ങള്‍ നടത്തുന്നത്. മക്കയിലും മദീനയിലും താമസം, ഭക്ഷണം, ഗതാഗതം എന്നിവ ഉള്‍പ്പെടെയുള്ള സൗകര്യങ്ങള്‍ നേരത്തേ ഒരുക്കിയതായി ബന്ധപ്പെട്ട അധികൃതര്‍ അറിയിച്ചു.

ഹജ്ജ് തീര്‍ഥാടകര്‍ക്കായി വിമാനത്താവളത്തില്‍ പ്രത്യേക കൗണ്ടറുകളും സഹായ കേന്ദ്രങ്ങളും സജ്ജീകരിച്ചിരുന്നു. യാത്രാ രേഖകളുടെ പരിശോധന, ആരോഗ്യ പരിശോധന, ബാഗേജ് നടപടികള്‍ എന്നിവ വേഗത്തില്‍ പൂര്‍ത്തിയാക്കുന്നതിനായി പ്രത്യേക സംഘങ്ങളെ നിയോഗിച്ചു. പ്രായമായവര്‍ക്കും ആരോഗ്യപ്രശ്‌നങ്ങളുള്ളവര്‍ക്കും പ്രത്യേകം സഹായവും നല്‍കി.

ഹജ്ജ് യാത്രയ്ക്കു മുന്‍പ് തീര്‍ഥാടകര്‍ക്കായി ബോധവത്കരണ ക്ലാസുകളും പരിശീലന പരിപാടികളും സംഘടിപ്പിച്ചിരുന്നു. ഹജ്ജ് കര്‍മങ്ങള്‍ എങ്ങനെ നിര്‍വഹിക്കണം, യാത്രയ്ക്കിടെ ശ്രദ്ധിക്കേണ്ട കാര്യങ്ങള്‍, ആരോഗ്യ മുന്‍കരുതലുകള്‍, സൗദിയിലെ നിയമങ്ങളും നിര്‍ദേശങ്ങളും എന്നിവയെക്കുറിച്ചായിരുന്നു പ്രധാനമായും ക്ലാസുകള്‍ നടന്നത്.

ഈ വര്‍ഷവും കടുത്ത ചൂട് അനുഭവപ്പെടാന്‍ സാധ്യതയുള്ളതിനാല്‍ ആരോഗ്യ കാര്യങ്ങളില്‍ കൂടുതല്‍ ശ്രദ്ധ വേണമെന്ന് ഡോക്ടര്‍മാരും അധികൃതരും നിര്‍ദേശിച്ചിട്ടുണ്ട്. ആവശ്യത്തിന് വെള്ളം കുടിക്കണം, തിരക്കേറിയ ഇടങ്ങളില്‍ ജാഗ്രത പാലിക്കണം, ആരോഗ്യ പ്രശ്‌നങ്ങളുണ്ടെങ്കില്‍ ഉടന്‍ മെഡിക്കല്‍ സഹായം തേടണം തുടങ്ങിയ നിര്‍ദേശങ്ങളാണ് തീര്‍ഥാടകര്‍ക്ക് നല്‍കിയിരിക്കുന്നത്.

ALSO READ: സ്വകാര്യ മേഖലയില്‍ സ്വദേശിവത്കരണം ശക്തം; ബഹ്‌റൈനി ജീവനക്കാരുടെ എണ്ണം ഉയര്‍ന്നു

ബഹ്‌റൈനിലെ മലയാളി പ്രവാസി സമൂഹത്തില്‍നിന്നും നിരവധി പേരാണ് ഇത്തവണ ഹജ്ജ് യാത്രയ്ക്കായി പുറപ്പെട്ടിരിക്കുന്നത്. കുടുംബാംഗങ്ങളുടെയും സുഹൃത്തുക്കളുടെയും പ്രാര്‍ഥനകളോടെയാണ് പലരും യാത്രയാകുന്നത്. ജീവിതത്തിലെ ഏറ്റവും വലിയ ആത്മീയ അനുഭവങ്ങളിലൊന്നായാണ് ഹജ്ജ് യാത്രയെ പലരും കാണുന്നത്.

വരുന്ന ദിവസങ്ങളില്‍ ബഹ്‌റൈനില്‍നിന്ന് കൂടുതല്‍ ഹജ്ജ് സംഘങ്ങള്‍ സഊദി അറേബ്യയിലേക്ക് യാത്രതിരിക്കുമെന്നാണ് ബന്ധപ്പെട്ട ട്രാവല്‍ ഗ്രൂപ്പുകളും ഹജ്ജ് സംഘാടകരും അറിയിച്ചിരിക്കുന്നത്.

The first group of Hajj pilgrims from Bahrain departs for Saudi Arabia as emotional send-offs and special travel arrangements mark the beginning of the pilgrimage season.