മലപ്പുറം: എസ്.ഡി.പി.ഐ നേതാവിനൊപ്പമുള്ള സി.പി.എം പോളിറ്റ്ബ്യൂറോ അംഗം എ.വിജയരാഘവന്റെ വീഡിയോ പുറത്ത് വന്നതിന് പിന്നാലെ വിശദീകരണവുമായി സി.പി.എം മലപ്പുറം ജില്ല സെക്രട്ടേറിയറ്റ്.ഇതുമായി ബന്ധപ്പെട്ട് സാമൂഹിക മാധ്യമങ്ങളില്‍ നടക്കുന്ന പ്രചാരണം അപലപനീയമാണെന്ന് സി.പി.എം വ്യക്തമാക്കി. 

'സി.പി.എം മലപ്പുറം ജില്ലാ കമ്മിറ്റി അംഗം സ. ഗഫൂര്‍ പി ലില്ലീസിന്റെ സഹോദരന്റെ ഗൃഹപ്രവേശനത്തിന്റെ ഭാഗമായി സംഘടിപ്പിച്ച ചടങ്ങിലാണ് സ. വിജയരാഘവന്‍ പങ്കെടുത്തത്. ചടങ്ങിന്റെ ഭാഗമായുള്ള ഗാനമേളയില്‍ എസ്.ഡി.പി.ഐ പ്രാദേശിക നേതാവ് പാടുന്ന സമയത്ത് സ. വിജയരാഘവന്‍ സമീപത്തെ ഹാളില്‍ ഭക്ഷണം കഴിക്കുന്ന വീഡിയോ ആണ് സമൂഹമാധ്യമങ്ങളില്‍ പ്രചരിപ്പിക്കുന്നത്. വസ്തുതകള്‍ അന്വേഷിക്കാതെ ചില ചാനലുകള്‍ ഇത് വാര്‍ത്തയുമാക്കി. പാര്‍ടി നേതാക്കളെ തെരഞ്ഞുപിടിച്ച് വ്യക്തിഹത്യ നടത്താനുള്ള ബോധപൂര്‍വ നീക്കങ്ങളുടെ ഭാഗമാണ് ഇത്തരം ശ്രമങ്ങള്‍'- സി.പി.എം ജില്ലാ സെക്രട്ടറിയേറ്റിന്റെ പ്രസ്താവനയില്‍ പറയുന്നു. 

'മതതീവ്രവാദ ശക്തികള്‍ക്കെതിരെ ശക്തമായ നിലപാടെടുത്ത് മുന്നോട്ടുപോകുന്ന രാഷ്ട്രീയ നേതാവാണ് സ. എ വിജയരാഘവന്‍. മതിരപേക്ഷ നിലപാട് ഉയര്‍ത്തിപ്പിടിച്ചതിന്റെ പേരില്‍ സംഘപരിവാറും മുസ്ലിം മതതീവ്രവാദ സംഘടനകളും ഒരേ സമയം അദ്ദേഹത്തെ കടന്നാക്രമിക്കാറുണ്ട്. അതിനെ പ്രതിരോധിച്ചാണ് അദ്ദേഹം രാഷ്ട്രീയ പ്രവര്‍ത്തനം നടത്തുന്നത്. അടിസ്ഥാനരഹിത ആരോപണങ്ങളുയര്‍ത്തി വ്യക്തിഹത്യ നടത്താനുള്ള നീക്കത്തെ പാര്‍ടി അവജ്ഞയോടെ തള്ളിക്കളയുന്നു. വാര്‍ത്ത തിരുത്താന്‍ മാധ്യമങ്ങള്‍ തയ്യാറാകണം.'-പ്രസ്താവനയില്‍ പറയുന്നു. 

Communist Party of India (Marxist) has condemned the circulation of a video showing A. Vijayaraghavan alongside a leader of the Social Democratic Party of India. The party described the campaign surrounding the video as misleading and politically motivated. CPM leaders reportedly stated that attempts are being made to create confusion and spread false narratives through selective promotion of the footage on social media and other platforms.