നിയമസഭാ തെരഞ്ഞെടുപ്പിലെ കനത്ത തോല്‍വിക്ക് പിന്നാലെ സി.പി.എമ്മില്‍ മുന്‍ മുഖ്യമന്ത്രി പിണറായി വിജയനെതിരെ വിമര്‍ശനങ്ങള്‍ കടുക്കുന്നു. പിണറായി വിജയന്‍ പ്രതിപക്ഷ നേതാവാകാന്‍ യോഗ്യനല്ലെന്നും എം.എല്‍.എ സ്ഥാനം രാജിവയ്ക്കണമെന്നും പാറശ്ശാല ഏരിയാ സെക്രട്ടറി അജയകുമാര്‍ ആവശ്യപ്പെട്ടു. തോല്‍വി വിലയിരുത്താന്‍ ചേര്‍ന്ന പാറശ്ശാല ഏരിയാ കമ്മിറ്റി യോഗത്തിലാണ് അജയകുമാര്‍ നിലപാട് വ്യക്തമാക്കിയത്. മുന്‍പ് പിണറായി വിജയനെ കാരണഭൂതനാക്കിയുള്ള പാട്ട് ഇറക്കിയ സമയത്ത് സംഘാടക സമിതി ചെയര്‍മാനായിരുന്നു അജയകുമാര്‍. 

പ്രതിപക്ഷ സ്ഥാനത്തിരിക്കാന്‍ പിണറായി വിജയന്‍ യോഗ്യനല്ലെന്നും രാജിവച്ച് മാതൃകയാകണമെന്നും ഏരിയാ കമ്മിറ്റി യോഗത്തില്‍ വിമര്‍ശനമുണ്ടായി. പിണറായി വിജയന് പുറമെ പാര്‍ട്ടി സെക്രട്ടറി എം.വി. ഗോവിന്ദനെതിരെയും യോഗത്തില്‍ വിമര്‍ശനം ഉയര്‍ന്നു. ഭരണത്തില്‍ ഇവര്‍ നടത്തിയ പ്രവര്‍ത്തനങ്ങള്‍ പാര്‍ട്ടി അണികളെയും പ്രവര്‍ത്തകരെയും ഒരുപോലെ പ്രകോപിപ്പിച്ചുവെന്നാണ് പ്രധാന വിമര്‍ശനം. 

A CPM area secretary from Parassala has sharply criticised Pinarayi Vijayan, stating that even those who once elevated him politically have now distanced themselves from him. The leader demanded that Pinarayi resign from his MLA position, alleging that he is no longer fit to serve as the Leader of the Opposition.