ന്യൂഡല്‍ഹി: വടക്കന്‍ ഡല്‍ഹിയിലെ മുകുന്ദ്പൂരില്‍ എല്‍.പി.ജി സിലിണ്ടര്‍ പൊട്ടിത്തെറിച്ച് വീട് തകര്‍ന്നുവീണു. അപകടത്തില്‍ 11 പേര്‍ക്ക് പരുക്കേറ്റു. പൊള്ളലേറ്റ ഒരു സ്ത്രീയുടെ നില അതീവ ഗുരുതരമാണെന്ന് അധികൃതര്‍ അറിയിച്ചു. 

ചൊവ്വാഴ്ച രാവിലെ 9.30ഓടെയാണ് അപകടം ഉണ്ടായത്. 

അപകടത്തില്‍ അവശിഷ്ടങ്ങള്‍ക്കിടയില്‍ കുടുങ്ങിയവരെ നാട്ടുകാരും ഡല്‍ഹി ഫയര്‍ഫോഴ്‌സും പൊലിസും ചേര്‍ന്നാണ് രക്ഷപ്പെടുത്തിയത്. സംഭവസമയത്ത് പട്രോളിങ്ങിലുണ്ടായിരുന്ന എമര്‍ജന്‍സി റെസ്പോണ്‍സ് സംഘവും രക്ഷാപ്രവര്‍ത്തനത്തില്‍ പങ്കെടുത്തു. 

ALSO READ: സൗഹാര്‍ദ്ദപരമായി പിരിയാന്‍ ആഗ്രഹിക്കുന്നു; അണ്ണാമലൈ ദേശീയനേതൃത്വത്തോട് പറഞ്ഞതായി റിപ്പോര്‍ട്ട് 

ഫയര്‍ഫോഴ്‌സും പൊലിസും എത്തുന്നതിന് മുമ്പ് നാട്ടുകാര്‍ ചേര്‍ന്ന് നാലഞ്ച് പേരെ പുറത്തെടുത്ത് ആശുപത്രിയിലേക്ക് എത്തിച്ചിരുന്നു.

വലിയ സിലണ്ടറില്‍ നിന്ന് ചെറിയ സിലണ്ടറിലേക്ക് പാചകവാതകം മാറ്റുന്നതിനിടെയാണ് സ്‌ഫോടനമുണ്ടായതെന്നാണ് പ്രാഥമിക നിഗമനം. സ്ഥലത്ത് നിന്ന് നിരവധി സിലണ്ടറുകള്‍ പൊലിസ് കണ്ടെത്തി.

തകര്‍ന്ന വീടിനുള്ളില്‍ പാത്രങ്ങള്‍ക്ക് നിറം നല്‍കുന്ന ഫാക്ടറി പ്രവര്‍ത്തിച്ചിരുന്നതായി ഔട്ടര്‍നോര്‍ത്ത് ഡെപ്യൂട്ടി പൊലിസ് കമ്മീഷണര്‍ ഹരീഷ് സ്വാമി അറിയിച്ചു. 

അവശിഷ്ടങ്ങള്‍ക്കിടയില്‍ ഇനിയും ആരെങ്കിലും കുടുങ്ങിക്കിടക്കുന്നുണ്ടോ എന്ന ്പരിശോധിക്കാന്‍ ജെ.സി.ബി ഉള്‍പ്പെടെയുള്ള സംവിധാനങ്ങള്‍ ഉപയോഗിച്ച് തിരച്ചില്‍ തുടരുകയാണ്.

A house collapsed in Mukundpur, North Delhi, following an LPG cylinder explosion. The incident left 11 people injured, who were rushed to the hospital for treatment.