കോഴിക്കോട്: കോഴിക്കോട് സ്വകാര്യആശുപത്രിയില്‍ വച്ച് ഗര്‍ഭസ്ഥ ശിശുമരിച്ചു. കൊയിലാണ്ടി സ്വദേശിനിയുടെ ഗര്‍ഭസ്ഥ ശിശുവാണ് ഇന്നലെ രാവിലെ മരിച്ചത്. സംഭവത്തില്‍ ആശുപത്രിക്കെതിരേ കുടുംബം രംഗത്തെത്തി. മതിയായ ചികിത്സ നല്‍കിയില്ലെന്ന് കുടുംബം ആരോപിച്ചു. 

ഈ മാസം 24നായിരുന്നു പ്രസവ തീയതി. എന്നാല്‍ അസ്വസ്ഥത അനുഭവപ്പെട്ട് നേരത്തെ എത്തിയെങ്കിലും ആശുപത്രിയില്‍ അഡ്മിറ്റ് ചെയ്യാന്‍ ആശുപത്രി അധികൃതര്‍ വിസമ്മതിച്ചതായി ബന്ധുക്കള്‍ ആരോപിച്ചു. 

സംഭവത്തില്‍ യുവതിയുടെ ബന്ധുക്കള്‍ മുക്കം പൊലിസില്‍ പരാതി നല്‍കി. പരാതിയുടെ അടിസ്ഥാനത്തില്‍ പൊലിസ് അന്വേഷണം ആരംഭിച്ചു.