കോഴിക്കോട്: കാഫിര്‍ സ്‌ക്രീന്‍ഷോട്ട് കേസില്‍ ഡി.വൈ.എഫ്.ഐ നേതാവ് ജിതിന്‍ ഭാസ്‌കര്‍ അറസ്റ്റില്‍. ഡി.വൈ.എഫ്.ഐ വടകര ബ്ലോക്ക് കമ്മിറ്റി അംഗമാണ് ജിതിനെ പ്രത്യേക അന്വേഷണ സംഘമാണ് അറസ്റ്റ് ചെയ്തത്. വടകര സ്‌ക്വാഡ് എന്ന വാട്‌സ്ആപ്പ് ഗ്രൂപ്പില്‍ സ്‌ക്രീന്‍ഷോട്ട് ആദ്യം ഷെയര്‍ ചെയ്തത് ജിതിന്‍ ഭാസ്‌കറാണെന്നാണ് എസ്.ഐ.ടിയുടെ കണ്ടെത്തല്‍. ജിതിന്‍ തന്നെയായിരിക്കണം സ്‌ക്രീന്‍ ഷോട്ട് നിര്‍മിച്ചതെന്നാണ് സൂചന

വടകര സ്‌ക്വാഡ് വാട്‌സ്ആപ്പ് ഗ്രൂപ്പിന്റെ അഞ്ച് അഡ്മിന്‍മാരെ പ്രത്യേക അന്വേഷണസംഘം നേരത്തെ ചോദ്യം ചെയ്തിരുന്നു.  വടകര ക്രൈംബ്രാഞ്ച് ഓഫിസില്‍ ഡിവൈ.എസ്.പി ടി. മനോഹരന്റെ നേതൃത്വത്തിലായിരുന്നു ചോദ്യംചെയ്യല്‍.

വ്യാജ സ്‌ക്രീന്‍ഷോട്ട് ആദ്യം വന്നത് 'വടകര സ്‌ക്വാഡ്' വാട്‌സ്ആപ്പ് ഗ്രൂപ്പിലാണെന്നും ഡി.വൈ.എഫ്.ഐ നേതാവ് റിബേഷ് രാമകൃഷ്ണന് കാഫിര്‍ സ്‌ക്രീന്‍ഷോട്ട് ലഭിച്ചത് ഈ ഗ്രൂപ്പില്‍ നിന്നായിരുന്നുവെന്നും കണ്ടെത്തിയിരുന്നു. 

2024 ലോക്‌സഭാ തെരഞ്ഞെടുപ്പിന്റെ തലേദിവസം വടകര മണ്ഡലത്തില്‍ വര്‍ഗീയ പ്രചാരണം ലക്ഷ്യമിട്ട് വാട്‌സ്ആപ്പിലൂടെ പ്രചരിപ്പിച്ച വ്യാജ സ്‌ക്രീന്‍ ഷോട്ടാണ് 'കാഫിര്‍ സ്‌ക്രീന്‍ഷോട്ട്' എന്ന പേരില്‍ അറിയപ്പെടുന്നത്.

DYFI leader Jithin Bhaskar has been arrested in connection with the 'Kafir' screenshot case, a matter that has generated significant political and public attention in Kerala. The arrest follows an ongoing investigation into the circulation and origin of the controversial screenshot.