ദമാം: സഊദി ദേശീയ എണ്ണ കമ്പനിയായ സഊദി അരാംകോയുടെ ഹെലികോപ്റ്റർ തകർന്നു വീണ് 14 പേർ കൊല്ലപ്പെട്ടു. കിഴക്കൻ സഊദിയിലെ അരാംകൊ കേന്ദ്രമായ റാസ്തനൂറയിൽ ആണ് ഹെലികോപ്റ്റർ തകർന്ന് വീണത്. ഇന്ന് (ഞായർ) പ്രാദേശിക സമയം പുലർച്ചെ ആറോടെയാണ് രാജ്യത്തെ നടുക്കിയ ദുരന്തമുണ്ടായതെന്ന് ഊർജ്ജമന്ത്രാലയം അറിയിച്ചു. ഹെലികോപ്റ്ററിലുണ്ടായിരുന്ന 14 പേരും സംഭവസ്ഥലത്തുതന്നെ മരിച്ചുവെന്നും എല്ലാവരും സഊദി പൗരന്മാരാണെന്നും സൗദി ഊർജ മന്ത്രാലയം സ്ഥിരീകരിച്ചു.

അപകടത്തിന്റെ കൃത്യമായ കാരണം ഇനിയും വ്യക്തമായിട്ടില്ല. ദുരന്തത്തിലേക്ക് നയിച്ച സാഹചര്യങ്ങളെക്കുറിച്ച് ബന്ധപ്പെട്ട ഉദ്യോഗസ്ഥരെ ഉൾപ്പെടുത്തി ഊർജ മന്ത്രാലയത്തിന്റെ നേതൃത്വത്തിൽ സമഗ്രമായ അന്വേഷണം ആരംഭിച്ചിട്ടുണ്ട്. അപകടത്തിൽ ജീവൻ നഷ്ടപ്പെട്ടവരുടെ കുടുംബാംഗങ്ങളെ മന്ത്രാലയം അനുശോചനം അറിയിച്ചു. 

ദുരന്തത്തിൽ ജീവൻ നഷ്ടപ്പെട്ടവരുടെ കുടുംബാംഗങ്ങളുടെ ദുഃഖത്തിൽ പങ്കുചേരുന്നതായി വ്യക്തമാക്കിയ മന്ത്രാലയം  അനുശോചനം രേഖപ്പെടുത്തുന്നതായും അറിയിച്ചു.

at least 14 people were killed after a helicopter belonging to the state oil giant saudi aramco crashed in the eastern city of ras tanura on sunday morning. according to the saudi ministry of energy, all the victims were saudi nationals. an investigation has been launched by the authorities to determine the cause of the crash.